Ég bið Kolbrúnu Halldórsdóttur afsökunar

Ég finn mig knúin til þess að biðja Kolbrúnu Halldórsdóttur afsökunar. Ég hef alla tíð talið hana vera kjána.  Ég þarf að endurskoða þá afstöðu því í morgun útvarpi rásar2 í morgun sagði Kolbrún í viðtali: 

Ég held að við séum í heilbrigðiskerfinu að eyða meiri peningum en við þurfum því það er oft þannig að dýrustu úrræðin eru aðgengilegust fyrir fólk en ódýrari úrræðin eru allsendis óaðgengileg af því að ríkissjóður tekur ekki þátt í að greiða þau niður. Þannig að ég held að með því að beina fólki í heilbrigðiskerfinu í ódýrari úrræðin í auknu mæli, þá getum við skorið niður í þessum fjármunum sem eru að fara í heilbrigðiskerfinu.

- Með ódýrari úrræðum, getur þú nefnt mér einhver dæmi?

Já, þá er ég náttúrulega að nefna svona óhefðbundnar leiðir. Við eigum stóra og mikla skýrslu um starfsemi græðara á Íslandi sem eru í raun og veru þeir sem að sagðir eru starfa undir merkjum óhefðbundinna lækninga, þó að þar séu í flestum tilvikum lækningar sem eiga sér lengri sögu en lækningar vestrænu læknavísindanna.  

En ég sé núna að ég hef haft algerlega rangt fyrir mér, Kolbrún er ekki kjáni, hún er ekki rugluð, hún er eitthvað miklu, miklu, miklu, miklu, meira.

 ....og þetta er fyrrverandi ráðherra,  vá! 

Skoðið könnunina til vinstri.   

Athugasemdir

[hilmar jónsson, 3.8.2011 kl. 18:49]

Alveg makalaust..

[Jóhanna (IP-tala skráð) 3.8.2011 kl. 18:55]

Ég tek undir þetta hjá þér Axel, það var ekki seinna vænna að biðja þessa konu afsökunar. Þvílík endemis þvæla í manneskjunni..... Hún gengur örugglega ekki á öllum....

[Ásthildur Cesil Þórðardóttir, 3.8.2011 kl. 19:07]

Mér finnst aftur á móti alveg heilmikið til í þessu hjá henni.  Lyfjamafían verður örugglega algjörlega gaga að missa spón úr sínum aski, en við eigum fullt af læknandi jurtum sem hafa verið kunnar í aldaraðir, meira að segja eru til bækur sem segja frá því hvernig má nota sér þessar lækningajurtir, og margar þeirra eru það sem við köllum illgresi í daglegu tali.  Eins og vallhumallinn, njólinn og fíflarnir.  Skoðum málin kallt og með skynsemi,  alda gamlar notkunarreynsla hlýtur að sýna að það er hægt að lækna ýmis mein með þeim plöntum sem vaxa við bæjardyrnar hjá okkur.

Meira að segja er búið til seiði úr Lúpínu sem virkar á krabbamein.  Hvernig væri að rannsaka frekar hvernig þessar jurtir virka áður en þeim er hreinlega sleppt vegna fordóma og oftiltrú á lækna og lyfja, sem oftar en ekki eru byggðar á græðgi.

[Axel Jóhann Hallgrímsson, 3.8.2011 kl. 19:40]

Með fullri virðingu Ásthildur, fyrir öllum þeim læknandi jurtum sem sagðar eru gera þetta og hitt og fátt liggur að baki annað en orð ömmu eða frænda í fimmta lið til hægri, þá kýs ég frekar að órannsökuðu máli að treysta á stöffið úr apótekunum að fenginni uppáskrift læknis.

Kolbrún verður kannski heilbrigðisráðherra í tíð og tíma. Vonandi samt ekki á mínum.

[Ingibjörg Axelma Axelsdóttir, 3.8.2011 kl. 20:16]

Ásthildur, þessar aldagömlu aðferðir og meðferðir sem þú talar um, falla núna undir heitið "læknavísindi" því þau lækna.

Þú getur treyst því að þessar jurtir hafa verið þaulrannsakaðar. Þær sem hafa haft áhrif til góðs eru notaðar í framleiðslu á lyfjum.

[Ásthildur Cesil Þórðardóttir, 3.8.2011 kl. 21:49]

Já Ingibjörg ég er nokkuð viss um að það er alveg hárrétt, og ég er líka viss um að það er hægt að búa til læknandi lyf af grasalæknum, sem svo sannarlega kunna sitt fag bara margfalt ódýrara en í lyfjaverksmiðjum. 

[Axel Jóhann Hallgrímsson, 3.8.2011 kl. 23:09]

Gallinn við grasalyf er að "virka" efnið í þeim er ekki einangrað, fleiri efni fylgja með, sem óvíst er hvaða áhrif hafi til langframa.

[Jens Guð, 4.8.2011 kl. 00:41]

  Íslenskir læknar eru alltof uppteknir af því að vísa á lyf.  Heimilislæknirinn Vilhjálmur Ari Arason hefur til fjölda ára reynt að vekja athygli á gífurlegri ofnotkun fúkkalyfja.  Ekki síst gagnvart ungabörnum.  Með þeim "árangri" að eyrnabólgur eru útbreitt vandamál.  Ofnotkun Ritalíns er annað þekkt vandamál.  Fjörmiklir krakkar eru umsvifalaust gerðir að Ritalín-fíklum sem sækja síðan á unglingsárum í önnur örvandi efni.  Lyfjaframleiðendur hafa tögl og haldir í heilbrigðiskerfinu. 

  Fyrir mörgum árum fékk ég ofnæmi fyrir hundsræfli á heimilinu.  Ef hann var í bílnum hjá mér leið aldrei á löngu þangað til ég fékk nefrennsli og hálsinn á mér bólgnaði.  Ég fór til ofnæmislæknis sem ávísaði á mig ofnæmispillum.  Örfáum dögum síðar hitti ég bandarískan mann sem er kallaður David Indíánalæknir.  Hann vann um tíma (og kannski enn?) sem ráðgjafi í heilsubúðum.  Ég nefndi við hann þetta með ofnæmið.  Hann sagði mér að henda pillunum í hvelli.  Þær héldu aðeins einkennum niðri en vandamálið myndi stækka.  Ég myndi fljótlega fá ofnæmi fyrir fleiru en hundinum.  Það væri hinsvegar einfalt að laga ofnæmið.  Ég þyrfti aðeins að drekka ferskan rauðrófusafa á fastandi maga á morgnana.  Hann lofaði mér því að ofnæmið myndi þá hverfa eins og dögg fyrir sólu á innan við 3 vikum.  Þetta stóðst.  Síðan hef ég aldrei fundið fyrir ofnæmi fyrir öðru en skallapoppi.  

  En lyfjaframleiðandinn varð af föstum viðskiptavini.

[DoctorE (IP-tala skráð) 4.8.2011 kl. 08:52]

Þó svo að einhverjir læknar séu "gjafmildir" á lyf þá táknar það ekki að einhverjar gamlar aðferðir dugi; Ég hef reyndar aldrei farið til læknis sem hefur ólmur viljað ávísa einhverjum lyfjum á mig.

Jens.. eitt orð, Placebo; End of story þar til þú getur sýnt fram á annað með tilraunum :).

Hey í biblíunni eru miklir kaflar um lækingar; Ef ofnæmi fer að hrjá Jens, eða Kolbrún fær krabbamein, þá eiga þau að fá sér 2 fugla, drepa annan fuglinn og setja blóðið í fötu, stinga priki í fötuna og skvetta blóðinu 7 sinnum um íbúðina, taka svo hinn fuglinn og sleppa honum.. BANG læknaður, kannski gott að fá sér hundasúru á eftir ;)

[DoctorE (IP-tala skráð) 4.8.2011 kl. 09:01]

Hér er ástæðan fyrir því að engar járnbrautir eru á íslandi, lækna mafían vill ekki að við fáum ókeypis lækningar :)
http://www.youtube.com/watch?v=b7f0b0pN17k

[Guttormur (IP-tala skráð) 4.8.2011 kl. 09:14]

Ég fór eitt sinn á dávald með vini mínum, hann lét vin minn gera alskonar vitleisu...fyrir þann tíma var ég mjög jarðbundinn...Annað, eitt sinn brendi ég mig við logsuðu, konan á heimilinu gaf mér smirsl frá grasalækni...það virkaði og sviðin fór...það eina sem virkað hefur á mig hingað til...

kv

Gutti  

[Helgi Armannsson (IP-tala skráð) 4.8.2011 kl. 09:15]

samala ter Ásthildur

[DoctorE (IP-tala skráð) 4.8.2011 kl. 09:45]

Þú ert sem sagt enn að jafna þig eftir dávaldinn Guttormur

Ásthildur, ertu til í það að taka öll lyf af markaði og notast eingöngu við þessar gömlu grasalækningar?... Þú myndir ekki vilja það lengi get ég sagt þér.

P.S. Auðvitað hafa einhverjar grasalækningar virkað, auðvitað hefur fólk dottið niður á eitt og annað í gegnum aldirnar; Auðvitað hefur það komið fyrir að leikmaður hefur fundið lausn á einhverju x...
En að dissa nútíma lyf og annað er ekkert nema vitleysa

[Ásthildur Cesil Þórðardóttir, 4.8.2011 kl. 10:23]

DoktorE alltaf jafn róttækur.  Það var verið að ræða um að spara í lyfjakostnaði manstu? Auðvitað eru til bráðnauðsynleg lyf eins og krabbameinslyf og annað sem fólk þarf að láta ofan í sig til að halda lífi. En flest er hægt að lækna með því að búa til ódýrari "lyf" úr náttúrunni.  Sonur minn brenndist einhverntíma afar alvarlega í andlitinu, annars og þriðjastigs bruni um allt andlitið.  Læknarnir sögðu honum að hann yrði alltaf með ör í andlitinu.  Yngri bróðir hans og þessi tóku stóra Aloa Vera plöntu sem ég átti, gæti þess að eiga alltaf slíka plöntu heima, þeir suðu af henni seiði og sonur minn bar þetta smyrsl á sig, og eftir nokkra daga sást ekki á andlitinu að hann hefði brennst, læknarnir trúðu ekki sínum eigin augum.  En ég er alveg jafn viss um að eftir sem áður munu þeir EKKI ráðleggja fólki að bera á sig smyrsl frá Aloa Vera plöntunni, heldur á ávísa áfram einhverjum öðrum brunasmyrslum frá Actavis eða öðrum lyfjarisum. þeir eru einfaldlega of háðir velvilja lyfjafyrirtækja.   Þannig er nú veröldin bara í dag.

[DoctorE (IP-tala skráð) 4.8.2011 kl. 10:35]

Aloa Vera er ágætt, hef notað það á fiskana í fiskabúrinu mínu :)
Eins og ég segi, ég forðast öll lyf eins og ég mögulega get; Ef læknir ávísar einhverju á mig þá tjékka ég dæmið út, þó varast ég allar samsærissíður á netinu.

Ég er reyndar heppinn, hef ekki þurft nein lyf, andaði þó að mér nikótíni og tjöru árum saman.. en er hættur því núna; Bara í kaffinu og engu öðru.

[Ingibjörg Axelma Axelsdóttir, 4.8.2011 kl. 11:36]

Annars og þriðja stigs bruna, sem greri eftir nokkra daga vegna aloe vera? Nei, nú skrökvar þú, Ásthildur.

[DoctorE (IP-tala skráð) 4.8.2011 kl. 11:48]

Ó... tók ekki eftir annars/þriðja stigs bruna setningunni; Augljóslega er það ekkert nema ýkjur að slíkur bruni hafi bara læknast á no tæm.

[Ingibjörg Axelma Axelsdóttir, 4.8.2011 kl. 12:20]

En það má hinsvegar benda á að græðandi áhrif Aloe Vera plöntunnar eru viðurkennd, og er þessi planta nýtt til lyfjaframleiðslu. Svo að læknar mæla alveg með henni, og hef ég m.a. fengið ábendingar frá lækni um að nota Aloe Vera gel.

[DoctorE (IP-tala skráð) 4.8.2011 kl. 12:32]

Já frábær planta, mjög góð til margra nota; Eins og í fiskabúr, virkar mjög vel á fiskana + að hún virðist hamla eitthvað á móti grænþörung og öðrum leiðindum sem við fiskafrík eigum í baráttu við.

[Ásthildur Cesil Þórðardóttir, 4.8.2011 kl. 13:09]

Ég hugsa að yngri sonur minn muni eftir þessu og fólkið sem var stadd þar sem hann brenndist sem veitti honum fyrstu hjálp með að kæla andlitið hans alla nóttina, þar sem hann var ekki í vegasambandi.  I óbyggðum.  Þessi sonur minn er reyndar látinn og það var ekki eitt ör að sjá á hans andliti.  Læknarnir sögðu að þetta hefði verið annars og þriðjastigs bruni, það hafði ég eftir honum sjálfum og þeir sögðu honum að hann myndi bera ör ævilangt.  ég er ekki að skrökva neinu.  Það getur verið að ég fari rangt með tímann, en ekki mikið.  Hann bar grisju fyrir andlitinu í marga daga, og bar þennan mjöð á sig oft á dag.  Af hverju haldiði að læknarnir hafi ekki trúað sínum eigin augum?

[Ingibjörg Axelma Axelsdóttir, 4.8.2011 kl. 13:19]

Grein um bruna á doktor.is

"3. Þriðju gráðu bruna. Vefurinn er dauður í öllum lögum húðarinnar, yfirleitt þörf fyrir húðígræðslu."

Allt Aloe Vera í heiminum lagar það ekki.

En ég samhryggist þér vegna sonar þíns.

[Ásthildur Cesil Þórðardóttir, 4.8.2011 kl. 13:32]

Takk fyrir það, en ekki greindi ég brunann, hann hafði þetta eftir læknunum.  Ég er bara að segja fá því sem við upplifðum.  En Aloe Vera ætti að vera til á hverju heimili samt sem áður.

[Axel Jóhann Hallgrímsson, 4.8.2011 kl. 13:51]

Það er endalaust hægt að pexa um svona því aldrei fæst úr því skorið hvað hefði gerst ef hin (eða aðrar) aðferðin hefði verið reynd. Að eitt virki sannar ekki að annað hefði ekki gert það líka og öfugt.

[Ásthildur Cesil Þórðardóttir, 4.8.2011 kl. 19:56]

Sammála því Axel, þess vegna er fáránlegt að afneita einni aðferð af því að hún er ekki eins og lyfjatröllin vilja.  Þetta þarf að skoða og spá í, og hefur reyndar verið gert, en sumt fólk er haldið einhverskonar hræðslu við margra alda reynslu fólks sem hefur nýtt sér það sem náttúran gefur af sér til heilunar.  Það er barnaskapur að mínu mati. 

[Ingibjörg Axelma Axelsdóttir, 4.8.2011 kl. 20:36]

Af sama skapi þykir mér barnalegt að fólk skuli halda í aldagamlar hefðir, bara útaf því að þetta eru aldagamlar hefðir. Þýðir ekkert að það virki frekar.

Hitt er þó annað mál, að ef sannað er að þessar umræddu aðferðir virka, og það er ekki verið að selja fólki einhverjar töfrabaunir, á auðvitað að halda þeim áfram. En það verður þá að rannsaka það til hlýtar, ekki taka einhver saursjúgandi íþróttafræðing á orðinu. Þú afsakar vonandi orðbragðið.

[Ásthildur Cesil Þórðardóttir, 4.8.2011 kl. 21:04]

Saursjúgandi íþróttafræðing  vel að orði komist.  Ég er ekki að tala um stólpípur og slíkt heldur jurtir sem hafa læknað fólk í aldaraðir, allt annar hlutur.

[Jens Guð, 4.8.2011 kl. 22:50]

  Gaman að Aloe Vera barst í tal.  1983 tók 18 ára hugsjónamaður í Florida upp á því að selja gel úr Aloe Vera jurtinni í neytendaumbúðum (á flösku).  Fyrstur manna.  Jafnframt setti hann á markað sólkrem úr ætum hráefnum jurtaríkisins (Aloe Vera geli,  bananaolíu,  gulrótarþykkni,  kvöldvorrósarolíu,  kókossmjöri o.s.frv.).  Hugmyndafræði unga mannsins var sú að það sem borið er á húðina og gangi inn í hana taki þar með þátt í líkamsstarfseminni. 

  Ég hóf þegar í stað innflutning á þessari nýjung.  En viðtökur voru ekki eintóm húrrahróp að hætti DOddssonar þegar hann klappaði fyrir útrásarbófunum.  Á neytendasíðu DV voru fullyrðingar mínar (í auglýsingabæklingi) um Aloe Vera dregnar í efa.  Meðal annars var fullyrt á þeirri ágætu síðu að það væri haugalýgi að Indíánar í Ameríku hefður langa og góða reynslu af Aloe Vera.  Aloe Vera væri bara til í Afríku og á Indlandi en ekki í Ameríku.  

  Þetta var fyrir daga internetsins og blaðamaðurinn fann aðeins fátæklegar upplýsingar um Aloe Vera í einhverri bók.  Þessi blaðamaður er í dag virtur bókahöfundur,  álitsgjafi í umræðuþáttum og hinn ágætasti maður.  Hann var að sinna sínu starfi sem gagnrýninn neytendafrömuður.  Sem var gott út af fyrir sig.  Það er um að gera að vera á varðbergi.

  Lyfjaeftirlitið bannaði árum saman innflutning á Aloe Vera til inntöku.  Það var samkvæmt mati virts læknis.  Sá taldi Aloe Vera til inntöku vera varasamt dæmi vegna meltingarörvandi efnasambanda.  Aloe Vera væri í raun megrunarlyf sem einungis læknar mættu vísa á fremur en heilsusamlegur drykkur sem óhætt væri að leyfa almenningi að komast í án eftirlits.

  Þessi læknir er samviskusamur og hefur staðið sig vel.  Við vorum skólabræður í Söngskóla Reykjavíkur í gamla dag.

  Í dag er þekking íslenskra lækna,  jafnt sem almennings,  á eiginleikum Aloe Vera töluvert önnur og betri en á níunda áratugnum.  Það er búið að aflétta banni á Aloe Vera til inntöku og læknar farnir að vísa á Aloe Vera djús við ýmsum meltingarvandamálum.  Ósjaldan hafa heilbrigðisstofnanir hóað í mig með neyðarkalli þegar bráðvantar mikið magn af Aloe Vera til að bera á vond brunasár og eitthvað þess háttar.  Þá bregst ég vel við og "bruna" með nokkra kassa af Banana Boat Aloe Vera geli á svæðið.  Kátur og hress - þó að tilefnið sé ekki gleðiefni.  

[Ásthildur Cesil Þórðardóttir, 4.8.2011 kl. 23:11]

Flottar upplýsingar hjá þér Jens. Víst er Aloe Vera til í Ameríku, mágkona mín í Mexico er með aloe veraplöntu í garðinum hjá sér einmitt til að nota ef eitthvað kemur fyrir.  Eg sjálf nota hana mikið er ég eða heimilisfólkið fær brunasár, eða bara allskonar sár.  Undraplanta sem þessi jurt er.

[Jens Guð, 4.8.2011 kl. 23:17]

  DoctorE (#9),  árþúsunda gamlar þjóðsögur gyðinga eru ekki besta heimild um eitt né neitt.  Þær eru léttvægar gamansögur til að hræða börn.  

  Lyfleysur (placabo) eru meira marktækar í samanburðarrannsóknum.  Og reyndar snjöll aðferð til að komast að raunverulegri virkni hinna ýmsu efna.  Það er rétt að halda til haga að reynslusögur einstaklinga af tiltekinni virkni þessara efna eða aðferða er ómarktæk.  Þumalputtareglan er sú að ef ekki er hægt að vísa í niðurstöðu marktækra rannsókna þá er ástæða til að vera á varðbergi.  Ótal dæmi um pýramídasölukerfi í heimahúsum sýna það.

  Hitt er annað mál að önnur ótal dæmi höfum við um að forfeður okkar áttuðu sig einhvern veginn á kostum tiltekinna fæðubótaefna.  Dæmi um það er lýsi.  Í aldaraðir sóttu Íslendingar í lýsi.  Þeir höfðu ekki forsendur til að vita að öllu leyti um hollustu lýsis.  Það er að segja að lýsið inniheldur drjúgan skammt af D-vítamíni (sem okkur á Norðuhjara skortir vegna sólarleysis).  D-vítamínið er forsenda kalkupptöku líkamans.  Með því að taka lýsi er beinþynningu afstýrt en til að mynda tennur styrktar. 

[Jens Guð, 4.8.2011 kl. 23:31]

  Ásthildur Cesil (#28),  svo sannarlega vex Aloe Vera í Ameríku.  Enda er í dag sennilega mesta framleiðsla á Aloe Vera geli í neytendaumbúðum í Ameríku.  Það var einmitt forsenda þess að ungi maðurinn í Florida gat sett á laggir Banana Boat fyrirtækið:  Hann hafði ómældan aðgang að Aloe Vera í Florida.  Neytendafrömuður DV,  Páll Ásgeir Ásgeirsson,  var ekki með réttar upplýsingar.  Ég áfellist hann ekki.  Upplýsingar um Aloe Vera voru ekki aðgengilegar á Íslandi þarna á níunda áratugnum.  Ég þýddi fyrir Banana Boat grein hans á sínum tíma.  Þar á bæ höfðu menn fullan skilning á viðbrögðum hans því að á þeim tímapunkti lágu ekki fyrir almennilegar rannsóknir á eiginleikum Aloe Vera.  Það breyttist á næstu árum.  Banana Boat kláraði hverja fax-rúlluna mína á fætur annarri þegar niðurstöður úr rannsóknum fóru að hlaðast upp.

[Helgi Armannsson (IP-tala skráð) 5.8.2011 kl. 00:47]

eg a nokur hundrud aloe vera plontur og eg og min fjolskilda etum taer daglega beint ur gardinum vid erum buset i Astraliu . vid hofum ekki ordid veik i rumt ar eda sidan vid birjudum a tessu ekki einusinni kvef .tad er naturulega bara tilviljun er tad ekki . og vid latum ekki bolusetja okkur firir neinu

[Ásthildur Cesil Þórðardóttir, 5.8.2011 kl. 10:13]

Takk fyrir þetta Jens, og virkilega gaman að heyra frá þér Helgi.