Hetjan og ofurmennið Pútín

Það er með öllu óvíst að Pútín hafi svo mikið sem snert þennan „fjársjóð“ þó fundur hans sé honum eignaður. Það virðist lögmál í söguritun að yfirmönnum og leiðtogum séu eignuð verk undirmanna sinna.

Það var m.a. fullyrt í minni mannkynssögu að Ferdinand Magellan hefði fyrstur manna siglt í kringum hnöttinn. Þó var sú staðreynd öllum kunn að Magellan komst ekki nema hálfa leiðina áður en hann bar beinin. Siglinguna kláraðu síðan þeir sem eftir lifðu af upphaflegri áhöfn, þeir urðu fyrstir til að sigla hringinn, en þeirra er í engu getið.

Ef spurt var: Hver sigldi fyrstur kringum hnöttinn? Þá hefðu öll svör önnur en Magellan verið röng.

Hver kleif fyrstur Mount Everest?  Svarið við þeirri spurningu var áratugum saman ofur einfalt: Edmund Hillary. Punktur.  Það er ekki fyrr en á seinustu árum sem þess hefur verið getið að í för með Hillary var sjerpinn Tenzing Norgay.  Norgay var lengi vel ekki nefndur á nafn, hann var „aðeins“ leiðsögumaður , ekki hvítur, hann taldist ekki með.

Hvor þeirra snerti tindinn fyrstur hefur held ég aldrei verið opinberað en það er sjálfsögðu eignað Hillary, ennþá.

 

Pútín finnur fjársjóð

Athugasemdir

[Björn Jónsson, 10.8.2011 kl. 20:25]

Áttu ekki bol með mynd af Pútin framanná??

[Sæmundur Bjarnason, 10.8.2011 kl. 20:27]

Þetta er rangt hjá þér með Tenzing Norgay. Það er viðurkennt að Tenzing var á undan á tindinn og hjálpaði Hillary síðasta spölinn. Fjársjóðurinn sem Pútín á að hafa fundið minnir mig á frægt langsund sem Mao formaður á að hafa afrekað.

[Axel Jóhann Hallgrímsson, 10.8.2011 kl. 21:17]

Nei Björn ég á engan slíkan bol og hef ekki í hyggju að breyta því.

[Axel Jóhann Hallgrímsson, 10.8.2011 kl. 21:19]

Takk fyrir þessar upplýsingar Sæmundur. Þetta er þá enn ein sögufölsunin.

[Hilmar Þór Óskarsson (IP-tala skráð) 10.8.2011 kl. 21:31]

Ég er að lesa bók sem heitir Rússland Pútíns og er skrifuð af Önnu Politkovskaja sem var myrt fyrir utan heimili sitt. Ég held að það sé ekki hægt að treysta neinu orði sem kemur frá Kreml eða þá öðrum valdhöfum í heiminum.

[Jóhanna (IP-tala skráð) 10.8.2011 kl. 22:59]

http://www.youtube.com/watch?v=XZn8BElFOf8&feature=player_embedded

Allt í lagi að skoða fleiri hliðar hjá Putin.