Allgóð samstaða!

„Allgóð samstaða“  er í utanríkismálanefnd, um stuðning við umsókn Palestínu um aðild að Sameinuðu þjóðunum. Hvað það merkir nákvæmlega kemur ekki fram í fréttinni.

En ef að líkum lætur þá merkir „allgóð samstaða“ sennilegast fulla samstöðu nefndarinnar um málið að frátöldum tveimur fulltrúum Sjálfstæðisflokksins, formanni flokksins og varaformanni hans.

Þau hjúin hafa, án minnsta vafa, gjörólíka sýn á málið en aðrir nefndarmenn. Þau, sem sannir Sjálfstæðismenn, víkja ekki gráðu frá þeirri stefnu sem Síonistar ákveða fyrir Bandaríkjastjórn og það sem Bandaríkjamenn vilja, vilja þau.

Sjálfstæðismenn hafa, þrátt fyrir nafnið, aldrei haft sjálfstæða utanríkisstefnu. Í þeim málum er Sámur frændi einráður.  

En það er ekki nóg að Ísland sé sammála umsókn Palestínu og ætli að greiða henni atkvæði á vettvangi SÞ. Við Íslendingar eigum  að beita okkur hart í málinu og  láta í okkur heyra. Við eigum að standa í lappirnar, vera menn en ekki mýs.

  

Samstaða í utanríkismálanefnd um Palestínu

Athugasemdir

[Helgi (IP-tala skráð) 26.9.2011 kl. 21:51]

Sæll Axel.

Þessi della í Abbas er mest til heimabrúks ætluð. Hefur þú kynnt þér viðhorf Hamas til þessarar dellu Abbasar? Hefur þú séð þá klappandi við hlið Abbasar í þessu máli eða einhverjum öðrum? Þegar þetta mál klúðrast hjá Abbas mun það valda því að Hamas styrkist.

Össur er engin mannvitsbrekka frekar en flestir þingmanna okkar (sbr slæmt efnahagsástand) og þetta hefur hann auðvitað ekki kynnt sér. Honum finnst sjálfsagt í lagi að Hamas skuli skjóta nokkuð reglulega eldflaugum á Ísraela enda lítið talað um það í íslenskum fjölmiðlum. Hvað þætti þér um það ef Keflvíkingar skytu við og við eldflaugum á ykkur í Grindavík og stundum féllu saklausir Grindvíkingar vegna þess að þeir vildu fá að ráða yfir Grindavík gegn vilja Grindvíkinga?

Vandi Palestínumanna er að þeir eru klofnir og að þeir halda í algerlega óraunhæfar hugmyndir varðandi framtíðina. Gyðingar hafa t.d. alla tíð verið fjölmennir í Jerúsalem og meirihluti íbúa þar frá 1867 en samt vilja Palestínumenn fá þá borg sem höfuðborg síns ríkis. Hvernig er hægt að semja við Abbas þegar algerlega óljóst er hvort Hamas muni virða þá samninga.

Það er ekki svo langt síðan Hamas drap fullt af Fatah liðum Abbasar og sölsaði undir sig öll völd á Gaza.  Abbas er veikur heima fyrir og gerði þetta m.a. til að auka eigin vinsældir enda tókst það - a.m.k. til skemmri tíma litið.

Það er ekki nóg að lýsa bara yfir sjálfstæði og marka einhliða landamæri. Á hverju eiga Palestínumenn að lifa? Þeir fá peningagjafir erlendis frá (mest frá Bandaríkjamönnum, um 450 milljónir $ á ári, sem þú hallmælir samt hér að ofan) enda eru þeir í reynd ekki með neinn efnahag ef frá er talin vopnaframleiðsla Hamas á Gaza (þeir kjósa vel að merkja að framleiða vopn frekar en fjárfesta í einhverju sem gefur þeim tekjur og undirbýr stofnun sjálfstæðs ríkis). Hvað framleiða Palestínumenn?

Palestínumenn kjósa m.a að kenna börnum sínum í skóla og í barnatímum að hata Ísrael og að sjálfsmorðsárásir séu af hinu góða. Væri ekki í lagi sem good will gesture af hálfu Palestínumanna að hætta að heilaþvo börn sín með hatri?

Svo gleymist auðvitað að þetta svæði hefur verið byggt gyðingum í mörg þúsund ár. Ísraelar vilja gjarnan sjá lífvænlegt ríki Palestínumanna þarna en um það þarf að semja. Þessi tvö ríki þurfa einnig að geta átt vinsamleg samskipti. Ég er þeirrar skoðunar að Palestínumenn ættu sennilega sitt eigið ríki ef ekki væri fyrir Hamas en það er svo annað mál.

Axel, mikið vildi ég óska að þú og fleiri samlandar okkar kynntuð ykkur aðeins raunverulega stöðu mála á svæðinu en létuð ekki einhliða áróður lélegra blaðamanna hér villa ykkur sýn. Staðreyndirnar eru engan veginn í takt við fréttaflutning hérlendis.

[Axel Jóhann Hallgrímsson, 26.9.2011 kl. 22:21]

Æ,æ, er þér illt í tippinu þínu Helgi.

[Helgi (IP-tala skráð) 27.9.2011 kl. 21:41]

Ætlar þú þá að hjálpa mér með þennan verk?

Væri ekki nær fyrir þig að reyna í það minnsta að svara mér og benda mér á ef ég hef farið rangt með? Væri það ekki nær en fara í læknisleik?