Drottnari þjóðveganna

Blessuð sauðkindin, lætur ekki að sér hæða. Íslenska sauðkindin er nánast allstaðar alvaldur drottnari þjóðveganna.  

Hún nýtur þeirrar sérstöðu að vera alltaf í fullum rétti, saklaus og óábyrg gjörða sinna, rétt eins og Sjálfstæðisflokkurinn, sama hvaða tjóni hún veldur blessunin.

Rækjan tók húsið af bílnum

Athugasemdir

[hilmar jónsson, 28.10.2011 kl. 22:08]

Og í ofanálag er hún að éta upp landið...

[Dexter Morgan, 28.10.2011 kl. 22:10]

Samt eru til lög um að þær eigi að vera innan girðinga, en Sjálfstæðismenn mega ganga lausir. Not Fair...

[Árni Gunnarsson, 28.10.2011 kl. 22:11]

Ólíkt skár fer nú blessuð sauðkindin með landið en sjálfstæðisflokkurinn myndi gera ef honum væri sleppt lausum.

[hilmar jónsson, 28.10.2011 kl. 22:18]

Það er svo sem ekki annað hægt en að taka undir með Dexter og Árna...

[Axel Jóhann Hallgrímsson, 28.10.2011 kl. 22:32]

Í hrepp einum ónefndum norðanlands tók hreppsnefndin þá tímamóta ákvörðun að banna lausagöngu búfjár.

Bannið var aðallega sett til höfuðs einum bónda, sem var sveitungum sínum til ama sökum leti. Allar girðingar lágu niðri hjá karl kvölinni og sagt var að hann gerði út á þjóðvegina, enda betri tekjupóstur en yfirkeyrð sauðkind vandfundin.

Hann var sagður svo værukær karlinn að konan hans, sem vann á daginn í næsta þéttbýlisstað, þurfti að fara heim í hádeginu, að sögn, til að snúa karlinum svo hann fengi ekki legusár.

En Adam var ekki lengi í paradís, lausagöngubannið var brátt afnumið því hreppsnefndarmennirnir, sem allir voru auðvitað bændur, áttuðu sig á því að allir fjáreigendur í hreppnum, ekki bara sá lati heldur líka þeir sjálfir, voru með banninu ábyrgir fyrir sínu fé og skaðabótaskyldir ylli það tjóni utan girðinga.

Við það var auðvitað ekki hægt að una, eðlilega.

[Axel Jóhann Hallgrímsson, 28.10.2011 kl. 22:36]

Ég sagði raunar ekkert um að Sjálfstæðismenn mættu ekki ganga lausir, aðeins að þeir teldu sig, eins og sauðkindin, alltaf vera í fullum rétti og ekki ábyrga fyrir því tjóni sem þeir yllu.

[Aðalsteinn Agnarsson, 28.10.2011 kl. 23:39]

Íslenskt Forystufé er fallegt og ratvíst og hefur reynst

þjóðinni vel, betur en það forystufé sem á þingi situr.

[Axel Jóhann Hallgrímsson, 28.10.2011 kl. 23:55]

Á þingi sitja margir "fjárstofnar" hver með sitt forystufé. Misjafnt er það fé, vissulega Aðalsteinn.