Frekar klént

Það var að sögn aðal þemað að baki myndbandinu, með Erovision framlagi Íslands, að gera það eins íslenskt og kostur væri – og svo er sungið á ensku! Íslenskara gerist það vart.

Lagið er alveg jafn klént og það var í forkeppninni, þótt við það sé raulaður hallærislegur texti á ensku. Það er mikill misskilningur margra lagahöfunda að þeir geti bætt slappa tónsmíð með enskum texta og það lélegum í ofanílag.

 

Grét þegar hún sá myndbandið

Athugasemdir

[hilmar jónsson, 19.3.2012 kl. 21:58]

Lagið er slappt og ófrumlegt, en myndbandið finnst mér allþokkalegt.

[Hjördís Vilhjálmsdóttir, 19.3.2012 kl. 23:57]

Ég vona að Evrópa verði á öðru máli og að við sigrum í ár ! Vil leyfa mér að vona að það komi að því og nú er Harpan ready svo verum jákvæð og þakklát að eiga svo góða listamenn sem við getum verið stolt af ;) Ég fékk gæsahúð þegar ég sá myndbandið og betrumbætta útgáfu lagsins.  Áfram Ísland.

[Axel Jóhann Hallgrímsson, 20.3.2012 kl. 09:03]

Það er ágætt að vera jákvæður, en jákvæðni verður að fylgja raunsæi. Það er mikill munur á jákvæðni annarsvegar og hroka og rembingi hinsvegar. 

Ekki hefur hrokann og rembinginn skort hjá landanum alveg frá því við tókum fyrst þátt. Öll lögin sem við höfum sent hafa verið talin  "pottþétt" vinningslög og keppnin sjálf nánast formsatriði.  

Ekki hefur keppnin svo dugað til að ná sumum niður á jörðina, því þá upphefst leit að skýringum á því "af hverju" við unnum ekki?

Ég vona hinsvegar að við vinnum ekki, ekki vegna þess að það yrði ekki  gaman - heldur einfaldlega vegna þess að við höfum ekki efni á því.

Það sama á við um Hörpu, við höfum ekki efni á því húsi, það virðist bara enginn vilja vita það, ennþá.