Lifir Pétur Blöndal bara í núinu?

Það er stór undarlegt þegar sæmilega vel gefnir menn eins og Pétur Blöndal koma með svona afspyrnu bjánalega tillögu. Af þeirri ástæðu einni,  að því er best verður séð, að það hentar stundarhagsmunum Sjálfstæðisflokksins.

Þegar forsetinn hafði synjað fjölmiðlalögunum staðfestingar á sínum tíma og vísað þeim þar með í þjóðaratkvæðagreiðslu, svívirtu Pétur og flokkurinn hans stjórnarskránna ásamt Framsóknarflokknum og afnámu lögin.

Gefum okkur að þetta þingrofsákvæði Péturs hefði verið í stjórnarskránni þá og ríkisstjórnin í kjölfarið staðið frammi fyrir þingrofskröfu þjóðarinnar. Þá hefði óneitanlega verið gaman að lifa og heyra andmæli og ummæli Péturs og flokksbræðra hans og þá ekki hvað síst, skoðun flokksformannsins á þessu tiltekna ákvæði.

 

Kjósendur geti farið fram á þingrof

Athugasemdir

[Óskar Guðmundsson, 29.3.2012 kl. 17:28]

Þar sem ekki er jú hægt að fara aftur í tímann til að rjúfa þiong verður okkur að nægja að fá þó vald til að rjúfa þing framtíðar.

Slíkt væri breyting á stjórnarskrá og færi því aldrei í gegn fyrir áramót svo að kjörið væri að leggja fram næsta vor þar sem að stjórnarskráin segir tikl um að 6 vikur skuli líða að hámarki frá samþykktum lagabreytingum á stjórnarskrá eru samþykkt þar til að rjúfa verður þing og boða til kosninga.

Þú villt máski ekki eiga möguleika á að koma Sjöllum og Framsókn frá í framtíðinni, nú þegar t.d. Sjallar mælast með svipað fylgi og ríkisstjórnin og rétt um ár til kosninga.

[Axel Jóhann Hallgrímsson, 29.3.2012 kl. 17:35]

Óskar svona ákvæði væri ávísun á stjórnleysi. Allar ríkisstjórnir standa frammi fyrir erfiðum og óvinsælum ákvörðunum, mis alvarlegum að vísu. En að einhver tilfinningarbylgja í þjóðfélaginu geti í skjóli svona ákvæðis afnumið skynsemina, gengur bara ekki upp, sama hver stjórni er.  

[Kolbrún Hilmars, 29.3.2012 kl. 18:17]

Þingrofsákvæðið er þegar inni í stjórnarskránni. Sem heimild forseta. En ekkert segir um hvenær og hvernig það eigi að nýta.

Við getum aldrei vitað fyrirfram uppá hverju ríkisstjórnir taka ef þær vilja misnota aðstöðu sína. Þá er gott að hafa öryggisventil.

[Axel Jóhann Hallgrímsson, 29.3.2012 kl. 18:45]

Kolbrún þessu tvennu er ekki saman að jafna. Þingrofsheimild forsetans er allt annað en "stjórnarbundið"  þingrof að undangenginni undirskriftarsöfnun.

[Axel Jóhann Hallgrímsson, 29.3.2012 kl. 19:21]

....er allt annað en "stjórnarskrárbundið"  þingrof.... átti þetta að vera.

[Kolbrún Hilmars, 29.3.2012 kl. 19:51]

Axel, stjórnarskráin er fámælt. Segir bara: "Forseti lýðveldisins getur rofið Alþingi, og skal þá stofnað til nýrra kosninga..." Engin skilyrði eru sett. Gæti því bæði gerst með undirskriftasöfnun meðal kjósenda eða geðþótta forseta.

En ef til vill Pétur einmitt skilyrða þingrofsákvæðið?

[Axel Jóhann Hallgrímsson, 29.3.2012 kl. 20:06]

Það er hrópandi mismunur á því Kolbrún;

.... hvort forseti fái áskorun um að beita þingrofsheimild, sem margir vilja meina að hann hafi ekki nema að undangenginni tillögu forsætisráðherra þar að lútandi... sem væri þá mat þess sem embættinu gegnir í það og það skiptið.

....eða hvort stjórnarskrárbundið ákvæði sem segir beinum orðum að óski t.d. 30% kosningabærra manna þess að þing verði rofið, þá verði það rofið!  Þá yrði ekki val um annað en að rjúfa þing. Punktur. Það ferli mætti svo endurtaka svo lengi sem menn hafa þrek til.

[Guðmundur Björn, 29.3.2012 kl. 20:17]

Það er rétt hjá þér Axel.  Geir Harði og Bogga fyrrv. borgarstjóri vöruðu við stjórnleysi þegar mótmælendur kröfðust afsagnar "hrunstjórnarinnar" í janúar 2009.  Það kom svo á daginn.  Það hefur ríkt algert stjórnleysi hér á Íslandi síðan þá!

[Axel Jóhann Hallgrímsson, 29.3.2012 kl. 20:23]

Láttu mig vita Guðmundur hvenær ég á að byrja að hlægja!