Fullkomin efnaskipti

Þessi  máva aðgerð hjá Kópavogsbæ er stórmerkilegt og djúphugsað   snilldarbragð. Starfsmenn Kópavogsbæjar bera sára ómerkilegt kjötmjöl á velli og tún. Ekki sem áburð eins og í fljótu bragði  mætti ætla, nei heldur sem agn. Kjötmjölinu  er eingöngu ætlað að lokka máva til samstarfs við bæjaryfirvöld.

Mávarnir leggja  svo til hinn eiginlega áburð, gúanó – dritið. Því meðan máfarnir skófla í sig kjötmjölinu drita þeir einhver ósköp og bera þannig á grasfleti Kópavogs einhvern þann besta áburð sem völ er á,  í ómældu magni.

Fuglatilraunin í Kópavogi hefur heppnast fullkomlega, þar eru saman komnir þessa stundina, íbúunum til yndis og ánægju,  allir mávar landsins og framkvæma hin fullkomnu efnaskipti – eitt efni fyrir annað- tær snilld.  

Mávarnir ræna íbúa nætursvefninum

Athugasemdir

[Ásdís Sigurðardóttir, 1.5.2012 kl. 10:57]

Alveg sammála þér að þetta sé tær snilld :)