Framboð tekið af lífi

Undarlegar kröfur hjá Herdísi og vanhugsaðar og til þess eins fallnar að slá á fylgið við hana. Gott ef Herdís hefur ekki endanlega slátrað forsetadraumi sínum með þessum kjánaskap.

Utanaðkomandi stýri kosningaumfjöllun RÚV

Athugasemdir

[hilmar jónsson, 17.5.2012 kl. 20:39]

Nákvæmlega það sem ég hugsaði líka eftir að hafa hlustað á hana.

Þótt aðeins hún og Ástþór væru í framboði er ég ekki viss um að hún næði kosningu, eftir þetta dapurlega væl.

[Axel Jóhann Hallgrímsson, 17.5.2012 kl. 20:49]

Annað hvort hefur Herdís afleita ráðgjafa eða alls enga.

[Númi (IP-tala skráð) 17.5.2012 kl. 20:51]

Furðuleg útkoma sem þið fáið útúr þessari umsögn hennar.

Þetta er staðreynd hjá Herdísi,þetta er akkúrat svona.

Ef eðlilegt væri þá ætti henni frekar að aukast fylgi við þessa hreinskilni.

[Axel Jóhann Hallgrímsson, 17.5.2012 kl. 20:55]

Næsta skoðanakönnun sker væntanlega úr því Númi.

[Marta B Helgadóttir, 17.5.2012 kl. 21:35]

Gagnrýni Herdísar er mjög vel rökstudd og fullkomlega réttmæt.

Mér finnst mjög gott hjá henni að benda á þetta.

Reyndar mun Ólafur Ragnar Grímsson hafa gert það líka en með óformlegri hætti, í viðtali hjá Sigurjóni Egilssyni á Sprengisandi, Bylgjan á síðasta sunnudag.

[Númi (IP-tala skráð) 17.5.2012 kl. 21:53]

Herdís var nú ekki að tala eingöngu fyrir sína hönd,heldur einnig hinna sem eru í framboði,sem lítið er minnst á í fjölmiðlum.

[Jóhann Kristjánsson (IP-tala skráð) 17.5.2012 kl. 21:59]

Ef þið hugsið aðeins út í þetta sem Herdís er að segja er þá ekki nokkuð til í þessu? Er ekki einstaklega óheppilegt og jafnvel kannski svolítið vandræðalegt að vinnufélagar hennar sjái um að fjalla um kosningarnar yfir höfuð? Ekki að að ég ætli þeim að halla á neinn. Eðlilegt væri auðvitað að þeir myndu víkja til þess að gæta alls trúverðugleika hvað kosningaumfjöllun varðar.

[Sleggjan og Hvellurinn, 17.5.2012 kl. 22:00]

Herdís er þekkt á Bifröst fyrir að vera dálitill kjáni (hef það frá nemendum þaðan).. og þetta staðfestir það.

[stebbi (IP-tala skráð) 17.5.2012 kl. 22:08]

Ekki ætla ég að kjósa Herdísi, en hún hefur samt rétt fyrir sér þarna...

[Axel Jóhann Hallgrímsson, 17.5.2012 kl. 22:18]

Ég sá viðtalið við Herdísi Marta, heyrði umkvörtun Herdísar, en ég hvorki sá eða heyrði meintan rökstuðning.

[Hulda Hákon (IP-tala skráð) 17.5.2012 kl. 22:27]

Ég ætla að kjósa Herdísi og hún hefur rétt fyrir sér.  Það er andvaraleysi að blása á þá staðreynd að þann 5. janúar gaf Þóra það ekki frá sér að hún hyggist taka slaginn. Allan tímann eftir það gafst landsmönnum tækifæri á því að skoða hana sem hugsanlegan forseta milli þess að skemmta sér yfir Útsvari. Þeim ágæta þætti. Rýrir þessi staðreynd trúverðuleika RÚV í væntanlegum forsetakosningum? Auðvitað!
Að halda öðru fram er yfirklór og spuni.

[Númi (IP-tala skráð) 17.5.2012 kl. 22:51]

´´Jóhann  no7 geturðu komið með nöfn,ekki veit ég en endilega kom þú með nöfn.

[Axel Jóhann Hallgrímsson, 17.5.2012 kl. 23:14]

Hulda Hákon, labbaði Herdís úr úr sínu starfi daginn sem hún íhugaði framboð fyrst?

[Axel Jóhann Hallgrímsson, 17.5.2012 kl. 23:15]

Jóhann, þetta er áróður sem gengur giska vel í fólk, og þjónar greinilega vel sínum tilgangi.

[Jóhann Kristjánsson (IP-tala skráð) 18.5.2012 kl. 07:28]

Númi no12. Er það ekki nokkuð augljóst að það er óheppilegt að samstarfsfólk frambjóðanda fjalli um framboðið?, sér í lagi þegar eiginmaður hennar starfar á fréttastofunni og því ljóst að margir hverjir þar vinni mjög náið með eiginmanni hennar.

[Axel Jóhann Hallgrímsson, 18.5.2012 kl. 07:43]

Jóhann, Svavar Halldórsson starfar ekki á RUV, hann fór í leyfi á sama tíma og Þóra.

[Jóhann Kristjánsson (IP-tala skráð) 18.5.2012 kl. 09:45]

Axel, Það veit ég vel Axel en tengingin við vinnustaðinn og vinnufélagana er enn til staðar.

[DoctorE (IP-tala skráð) 18.5.2012 kl. 10:19]

Ari Trausti er maðurinn.. allir aðrir eru með byrðar sem passa ekki inn í þetta embætti fornmanna

[Númi (IP-tala skráð) 18.5.2012 kl. 21:46]

Tek undir með þér Jóhann.

[Hjördís Vilhjálmsdóttir, 18.5.2012 kl. 22:01]

Sammála Axel, þetta var feilspor hjá henni og það hefði verið betra að mínu mati hefði hún fundað með RÚV og fleirum. Kjánalegt af henni að siga lögmanni á RÚV og fara fram á að utanaðkomandi fjalli um Forsetaframboðið. Eins og hverjir ættu það að vera og hver ætti að velja það fólk ? Það tæki að auki sennilegast nokkur ár að ná sátt um slíkt val á fólki.

Það er nokkuð erfitt að ætla að banna fjölmiðlafólki að bjóða sig fram. Sjálf hefur Herdís oft komið fram í fjölmiðlum og er mörgum kunn af þeirri ástæðu.  M.v. þetta hefðu aðeins Hannes og Jón verið gjaldgengir frambjóðendur. 

Rétt DoctorE, að Ari Trausti er óumdeildur en það á einnig við um Hannes og svo Jón sem nú hefur dregið framboð sitt tilbaka.

Held að Andrea eða Ari Trausti verði bestu kostirnir uppá að hafa frið um embættið. ÓRG og Þóra eru að verða of umdeild, því miður. 

[Axel Jóhann Hallgrímsson, 18.5.2012 kl. 22:59]

Ekkert toppar leðjuslagsteymi Sjálfstæðisflokksins í samsæriskenninga- og drullukökusmíð kringum kosningar. Eina ástæða þess að þau,  sem verma botninn í skoðanakönnunum, Herdís, Ari Trausti, Andrea og hann Ástþór okkar, hafa algerlega sloppið við slíkt, er að Sjálfstæðisleðjuteymið telur það ekki ómaksins vert að ata þau út, þau muni aldrei ógna frambjóðanda flokksins. Því er öllu púðrinu eytt á Þóru, og það ekki sparað.

Það verður sorglegra og vafasamara með hverjum deginum sem líður að leika með þessu liði.

Það verður gaman að sjá hvernig þetta fer að lokum, enginn  frambjóðanda í forsetakosningum fram til þessa,  sem notið hefur stuðnings Sjálfstæðisflokksins, leynt eða ljóst, hefur náð kjöri. Ólafur yrði fyrstur til þess, svo kaldhæðnislegt sem það nú er.

[Jóhann (IP-tala skráð) 18.5.2012 kl. 23:37]

Það sem er svo yndislegt í þessum slag er að Hannes Hólmsteinn mun kjósa Ólaf Ragnar.

 Það segir sína sögu.

Herdís er neðanmálsgrein héðan af.

[Marta B Helgadóttir, 19.5.2012 kl. 12:48]

Axel.

Það er ekki erfitt að kynna sér hver rökstuðningur Herdísar er, hann má lesa hér á vefsíu framboðsins:

http://visir.is/section/MEDIA99&fileid=VTVF688BDC9-CDA0-4D6E-8EE1-5C4EC465FC07

[Marta B Helgadóttir, 19.5.2012 kl. 12:48]

vefsíðu... átti þetta að vera.

[Axel Jóhann Hallgrímsson, 19.5.2012 kl. 13:32]

Þessi slóð sem þú settir inn Marta vísar aðeins á viðtalið við Herdísi á stöð 2.

Það koma engin rök fram í viðtalinu, aðeins skoðun Herdísar sem er í besta falli langsótt kenning. Pakkaði Herdís saman og lét af sínu starfi daginn sem hún íhugaði sitt framboð fyrst? - Já auðvitað það hlýtur að vera, hvernig læt ég.

[Arnar (IP-tala skráð) 19.5.2012 kl. 20:33]

Ísland hefur einhverja ófrjálsustu fjölmiðla heims. Það er afarsjaldgæft að nær allir fjölmiðlar séu í eigu eins og sama aðilans í einu landi. Hefði Davíð Oddssyni tekist að vinna sitt eina virkilega góða verk, að fá fjölmiðlalögin samþykkt, þá hefði ekkert hrun orðið á Íslandi. Fjölmiðlar þögðu sem gröfin yfir hruninu meðan eigendur þeirra dönsuðu hrunadansinn. Þeir fáu (eins og Sigmundur Ernir) sem reyndu að segja frá, þeim var vikið frá störfum, og mörgum líka hótað og verra...Þeir sem héldu kjafti, brostu og voru sætir, fengu seinna verðlaun, eins og Þóra og maðurinn hennar mögulega...RÚV er eina "samkeppnin" til að tala um við EINA FJÖLMIÐILINN HF, sem við öll vitum hver er...Það er þó ómarktæk samkeppni... Það er ekkert að marka málpípu ríkisstjórnar hér á landi frekar en væri í Norður Kóreu. Málpípur ríkisstjórnar hvar sem er í heiminum geta ekki verið frjálsir og það eru ríkisfjölmiðlar aldrei. Þeim sem dettur annað í hug eru vangefnir. Á Íslandi nú um stundir eru engir frjálsir fjölmiðlar yfirhöfuð, bara holróma fasískar málpípur sem eru óvinir sanns lýðræðis. Ráðlegg svo öllum að fara á THE DICTATOR til að skilja að það er ekkert lýðræði á Íslandi og hefur aldrei verið.

[Arnar (IP-tala skráð) 19.5.2012 kl. 20:36]

En það skal engum koma á óvart að enginn skuli koma Herdísi til varnar. Hún er ekki í neinni mafíu eða neinum stjórnmálaflokki. Venjulegur Plebbi Jónsson hann ver sinn flokk af miklum flokkshundaskap og fasískri undirgefni, en hjarta hans er gersneytt allri lýðræðisátt eða frelsisvilja. Hann  kann vel sínum þrældóm og vill lifa áfram sem þræll. Og hann vill meina komandi kynslóðum að njóta nokkurs frelsis, og ver því þrælahaldara sína með kjafti og klóm og tekur hvern þann af lífi, amk óeiginlega séð, sem dirfist að raska alveldi ríkjandi valdhafa, rétt eins og óður, taminn hundur sem rífur í sig þann sem vill frelsa hann frá húsbændum sínum.

[Axel Jóhann Hallgrímsson, 19.5.2012 kl. 21:16]

Já Arnar þú segir það!

Aldrei hef ég lesið annað eins bull um nákvæmlega ekkert í jafn löngu máli.

[Arnar (IP-tala skráð) 19.5.2012 kl. 22:15]

Ef þú heldur að þetta sé bull þá vorkenni ég þér bara. Vonandi líður þér vel í heilaþvotti þínum. En mundu bara að sauðir verða fyrr eða síðar leiddir til slátrunar af heittelskuðum "leiðtogum" sínum. Það er betra og hollara að vera frjáls maður. En það er víst oft seint að kenna gömlum hundum að verða menn.