Árborgaríhaldið gerir á sig

Niðurstaðan er frábær segir haltu mér slepptu mér íhaldskonan Elfa Dögg, sem naut nákvæmlega einskis trausts í liði íhaldsins gær, og var sögð ekki meira virði en skíturinn undir skóm Eyþórs Arnalds, nýtur núna 100% trausts sama fólks.

Mikil og rík hlýtur hamingjan að vera á íhaldsheimilinu í Árborg eftir samrunaástarblossann. Eins og sundrungin var alvarleg orðin áður og sáttin sögð rík núna má ljóst vera að einhver varð að lúta í gras, það veit aldrei á gott.

En Framsóknarmaðurinn Helgi S. Haraldsson sem naut 100%  trausts íhaldsins í gær sem vænlegur rekkjunautur íhaldsins, er skíturinn undir skónum í dag og aftur á haug kastað, þar sem Íhaldið þarf ekki lengur á hækju að halda.

Ekkert er líklegra en að "hækjan á haugnum" verði minnug þessa, þegar óhjákvæmilega slettist aftur upp á vinskapinn á íhaldsheimilinu og þeir upphefja ástarbreimið og vilja ólmir taka á ný upp þráðinn þar sem frá var horfið af stuttum en barnlausum ástarfundinum.

Óbreyttur meirihluti í Árborg

Athugasemdir

[Marteinn Sigurþór Arilíusson, 19.5.2012 kl. 18:31]

Hækjur hér og hækjur þar.Held að þið stjórnarliðar ættuð bara að hugsa um hækjurnar þrjár sem kanski og kanski ekki styðja ríkisstjórnar ruslið.

[Axel Jóhann Hallgrímsson, 19.5.2012 kl. 18:37]

Er verra Marteinn, að tala um hækjur en t.d. "ríkisstjórnar ruslið"?

[Marteinn Sigurþór Arilíusson, 19.5.2012 kl. 19:44]

Alls ekki enda voru það ekki mín orð.

[Axel Jóhann Hallgrímsson, 19.5.2012 kl. 19:52]

Um hvað var þá þetta innlegg þitt?

[Marteinn Sigurþór Arilíusson, 19.5.2012 kl. 21:57]

T.D. ert þú að tala um traust.Finnst þér vera mikið um traust á stjórnarheimilinu? Og eins varst þú að tala um hækjur og kallaðir m.a.framsóknarmanninn í Árborg hækju.Þess vegna minntist ég á hækjurnar þrjár úr borgarahreyfingunni.

[Axel Jóhann Hallgrímsson, 19.5.2012 kl. 22:07]

Skal svo böl bæta að benda á ...... Halló!

[Marteinn Sigurþór Arilíusson, 19.5.2012 kl. 22:27]

Er ekki bara svekkelsi í gangi vegna þess að sjálfstæðis fólk í Árborg gat sæst.Ólíkt því sem gerist t.d. hjá vg sem er orðið að fjórum eða fimm flokksbrotum.

[Axel Jóhann Hallgrímsson, 19.5.2012 kl. 22:39]

Og þú ert svo barnalegur að halda að algert pólitískt ósætti hafi breyst í fullkomna pólitíska sátt á einum fundi? Halló!

[Marteinn Sigurþór Arilíusson, 19.5.2012 kl. 22:51]

Þekki pínulítið til og held að ósættið hafi aðalega verið út af einu eða tveimur málum.Það væri ljóti andskotinn ef ekki væri hægt að sjatla það til.