Verður skipstjórinn tekinn á teppið?

Tryggingafélag Kristbjörgu VE er án vafa ekki par hrifið að þeirri yfirlýsingu skipstjórans að mikil hætta hafi verið á ferðum í yfirvofandi strandi skipsins.

Næsta víst er að tryggingarfélagið reynir hvað það getur til að lita framburð áhafnar að hagsmunum tryggingafélagsins þegar til sjóprófa kemur og noti til þess þau meðul sem það þykir best hennta.

Það virðist nánast lögmál í svona málum að tryggingarfélögin svífist einskis í viðleitni sinni að lágmarka tjónagreiðslur sínar, björgunarlaun og annan útlagðan kostnað, enda milljóna tugir ef ekki hundruð milljóna í húfi fyrir þau.

Fjölmörg skipsströnd og mannskaðar hafa einmitt orðið fyrir þessa stefnu tryggingarfélaga, sem staðið hafa í vegi fyrir að aðstoðar væri óskað fyrr en of seint. Svo er sökinni klínt á skipstjórana sem meinað var að kalla eftir aðstoð í tíma.

Skítleg starfsemi, segi það og meina.

Heldur fljótlega til veiða á ný

Athugasemdir

[Marteinn Sigurþór Arilíusson, 19.5.2012 kl. 22:34]

Algerlega sammála þér.

[Axel Jóhann Hallgrímsson, 19.5.2012 kl. 22:42]

 Nú erum við að ná saman Marteinn.

[Marteinn Sigurþór Arilíusson, 19.5.2012 kl. 22:56]

Já það væri ljótt ef við gætum ekki verið sammála um eitthvað.Hef sjálfur lent í svipuðum aðstæðum fyrir mörgum árum.Reyndar tókum við þá bát í tog.

[Guðmundur (IP-tala skráð) 19.5.2012 kl. 23:49]

Það er reyndar í gildi samkomulag milli tryggingafélaganna og útgerða auk Gæslunnar um fasta taxta björgunarlauna, eða réttara sagt aðstoðarlauna. Hins vegar heldur þetta samkomulag ekki ef útgerð þess skips sem kemur til bjargar/aðstoðar metur það sem svo að um klára björgun úr mikilli hættu hafi verið að ræða. Getur slíkt mál endað með sjóprófi til að skera úr um kröfuna.

[Axel Jóhann Hallgrímsson, 20.5.2012 kl. 00:09]

Er það ekki það sem hér um ræðir Guðmundur, alger björgun er metið af því tryggingafélagi, sem greiða á brúsann, sem aðstoð?

Það hjálpar tryggingfélaginu væntanlega ekki að fá yfirlýsingar áhafnar um hið gagnstæða.