Fé með röngum hirði

Er það eina lausn Péturs Blöndal á því fjárfestingaóráði sem stjórnir lífeyrissjóðanna hafa verið haldin undanfarin ár að hækka lífeyrisaldur? Þessi sami Pétur hefur líka haldið því fram að hægðaleikur sé að lifa af lágmarkslaunum, þó hann hafi ekki orðið við áskorunum um að sanna það á eigin skinni.

Það kann svo að fara að hækkun lífeyrisaldurs verði þrautaráðið, til bjargar lífeyrissjóðunum, óhjákvæmileg afleiðing af sukki atvinnurekenda með sjóðina, sjóða sem þeir eiga ekkert tilkall til, en voru settir yfir með lagaboði.

Lausn Péturs, að hækka lífeyrisaldur, til viðbótar við þegar orðnar skerðingar á  lífeyrisréttindum, er til þess eins fallin að tryggja atvinnurekendum áframhaldandi  ráðstöfunarrétt á annarra manna fé og þannig nægt fjármagn til fjárfestinga í eigin ranni.

Pétur Blöndal ætti, sé honum eins annt um lífeyriseign landsmanna og hann lætur, að beita sér fyrir þeirri lagabreytingu að atvinnurekendur verði fjarlægðir úr stjórnum lífeyrissjóðanna og sjóðirnir verði alfarið  undir stjórn og ábyrgð  þeirra sem þá eiga og í þá greiða.

En sem sannur íhaldsmaður hefur Pétur Blöndal ekki hinn minnsta áhuga á því.  

Ellilífeyrisaldur sennilega upp í 70 ár

Athugasemdir

[Hrúturinn (IP-tala skráð) 1.6.2012 kl. 23:20]

Það breytir enginn neinu nema almúginn sjálfur sýni sinn mátt...

[Ásthildur Cesil Þórðardóttir, 1.6.2012 kl. 23:48]

Mikið rétt, hér breytir engin nema almúginn sjálfur sem á að mæta á fundi og krefja stjórnendur að standa sig eða víkja ella.  Það er alveg álitamál að hækka lífeyrisaldur, sem mun þá bitna á yngra fólki sem er atvinnulaust. Þetta er hringekja sem þarf að skoða með sanngirni og heiðarleika, langt burt frá flokkapólitík sem ég er komin með upp í kok af, segi og skrifa.

[Axel Jóhann Hallgrímsson, 2.6.2012 kl. 00:36]

Ásthildur það sorglega er að menn eins og forsetafífl ASÍ, og fleiri í svipaðri stöðu, telja að aðild atvinnurekenda að stjórnum lífeyrissjóðanna sé forsenda þess að hægt sé að ná kjarasamningum!

HALLÓ!

Þá segi ég, hverjir kusu þessa vitringa yfir sig og fyrir hverja vinna þeir?

[Hrólfur Þ Hraundal, 2.6.2012 kl. 08:29]

Það er niðurlægjandi að vakna við að hafa verið plataður í 47 ár, akkúrat þegar það er orðið of seint.   

En í þessu máli er líka þjófnaður stjórnvalda á öllum tímum og andvara leysi okkar.  En ég hélt að við hefðum verið með menn í vinnu við að gæta hagsmunna okkar, en þeir hafa líklega bara verið í golfi. 

[Aðalsteinn Geirsson (IP-tala skráð) 2.6.2012 kl. 10:14]

Óháð hruni eða óráðssíu við tilraunir til að ávaxta sjóðina þá hlýtur að þurfa að hækka lífeyrissjóðsaldur þegar fólk lifir almennt lengur við góða heilsu og hlutfall eldri á móti yngri þegnum hækkar.

En hve lengi ætla félagar í hrundum sjóðum að umbera það að þurfa að ábyrgjast óskertar greiðslur úr lífeyrissjóðum ríkisstarfsmanna? Það er ekkert nema svívirða.

[Axel Jóhann Hallgrímsson, 2.6.2012 kl. 10:43]

Þetta er góður punktur hjá þér Aðalsteinn.

[Ásthildur Cesil Þórðardóttir, 2.6.2012 kl. 11:44]

Tek undir það með þér Axel, það er eins og hann og vitringarnir í kring um hann skilji ekki einföldustu hluti.