Ríkisstjórnin getur ekki treyst á þessa Marshallaðstoð

Um leið og Róbert Marshall yfirgaf Samfylkinguna féll ríkisstjórnin. Að halda annað er dómgreindarskortur. Hnífsstunga Róberts í bak Samfylkingarinnar skrifaði dánarvottorð stjórnarinnar, aðeins dagsetninguna vantar.

Yfirlýsing Róberts um stuðning við ríkisstjórnina er nákvæmlega einskisvirði. Um leið og  sú staða kemur upp, þegar nær dregur kosningum, að Róbert telji að hann og hans nýi pólitíski vettvangur hagnist á andstöðu við stjórnina, mun hann taka eigin hag fram yfir gefin loforð og snúa hnífnum í sárinu. Þannig og aðeins þannig hugsa eiginhagsmunapotarar.

Jóhanna á auðvitað að hafna þessari Marshallaðstoð og bruna strax út á Bessastaði til fundar við frelsarann og biðjast lausnar fyrir sig og sitt ráðuneyti og boða til kosninga með minnsta mögulega fyrirvara.

Þannig velur hún vígvöllinn og kemur í veg fyrir að Róbert Marshall og stjórnarandstaðan ákveði að eigin hentugleika stund og stað fyrir óhjákvæmileg endalok stjórnarinnar.

 

Úrsögnin kom félögum á óvart

Athugasemdir

[hilmar jónsson, 12.10.2012 kl. 12:55]

Ég er eiginlega soldið sammála þessari greiningu.

Framganga Róberts  var afskaplega lúaleg.

[Axel Jóhann Hallgrímsson, 12.10.2012 kl. 13:24]

Frekar klént, já!

[Ásdís Sigurðardóttir, 13.10.2012 kl. 12:22]

Alveg sammála :)

[Hjördís Vilhjálmsdóttir, 14.10.2012 kl. 19:23]

Lúaleg svik hjá RM , sammála því. Og ég á erfitt með að sjá hvaða tryggingu kjósendur Bjartrar framtíðar hafa fyrir því að hann hoppi ekki einnig af þeirri lest, nái hann kjöri.