Afréttari íhaldsins

Aukin halli á ríkissjóði kallar á öflugan afréttara.  Ríkisstjórnin mun ekki sjá aðra leið  til að stoppa í fjárlagagatið en leggja allt traust sitt á máttarstólpa þjóðfélagsins. Því verða bætur almannatrygginga  að sjálfsögðu skertar og sjúklingaskattar , komu- og þjónustugjöld hækkuð.  

Aðrir þjóðfélagshópar munu víst ekki aflögufærir nú um stundir. Allrasíst hinir eiginlegu ríkisómagar, útgerðarmenn og stóreignamenn,  sem búa við afar þröngan kost og hafa engan vegin jafnað sig eftir hremmingar hrunsins.

Slæmt er íhaldsins ranglæti, en verra er þess réttlæti.

 

 

25,5 milljarða halli í stað 3,7 milljarða

Athugasemdir

[Axel Jóhann Hallgrímsson, 27.11.2013 kl. 17:55]

Ríkisstjórnin heldur áfram að löðrunga landsmenn. Það heyrist enn sem komið er lítið í stuðningsmönnum hennar, þeir eru þó hættir að fagna. Ekki nema von. Sagt er að þrjú stig séu á mannlegum viðbrögðum við kjaftshöggum. Fyrst verða menn agndofa, síðan undrandi og að lokum reiðir. Stuðningsmenn Simma silfurskeiðar eru nær reiðistiginu en aðdáendur Bjarna, eðlilega. Það fer því að heyrast í þeim hvað úr hverju. RÚV t.d. er fólki á landsbyggðinni meira tilfinningamál en freðnu þéttbýlisíhaldinu.