Fyrsta veirupest vetrarins lögst yfir - bóluefni aðeins fyrir útvalda

Ríkisstjórnin ætlar að auka álögur á ungt fólk, barnafjölskyldur og þiggjendur vaxtabóta til að stoppa að hluta upp í fjárlagagatið sem þeir bjuggu til m.a. með skattaniðurfellingunni á stórútgerðir og lækkun skatta hátekjufólks og  auðmanna. „Nýfengin“ skuldaleiðrétting verður fokin út í veður og vind löngu áður en menn geta hana höndum tekið.

Þessir dusilmenni leggjast yfir þjóðina eins og hver önnur veirusýking.  Íhaldspestin flæðir yfir samfélagið og leggst að venju harðast á þá standa höllum fæti og þá sem veikastir eru fyrir. Það lítur út fyrir að pestin verði óvenju skæð að þessu sinni og jafnvel viðvarandi, fái hún frið til að grassera.

En uppi á ríkisstjórnarbitanum  hafa auðmannspúkarnir komið sér vel fyrir og fita sig á verkum ríkisstjórnarinnar, vel varðir fyrir álögupestinni og eðlilegri samfélagsþátttöku.

 

Heilbrigðiskerfið fram yfir þróunaraðstoð

Athugasemdir

[Hallgrímur. A. (IP-tala skráð) 9.12.2013 kl. 18:52]

Það var svosem vitað mál að þetta kæmi til, það var bara spurningin hvar niðurskurðurinn byrjaði. Ég efast um að þeir stoppi hér, ég bíð spenntur eftir því að sjá hvaða snilld þeir ná að klóra upp næst.

Eitt sem víst er, að það verður aðeins þeim sjálfum og þeim sem mest réttir undir borðið að hagi, en ekki þeim sem þurfa hvað mest á því að halda.

[Axel Jóhann Hallgrímsson, 9.12.2013 kl. 19:17]

Vigdís Hauksdóttir sagði þetta vera stefnu núverandi stjórnar, vinda yrði ofanaf stefnu fyrri stjórnar og færa fé frá fátækum til þeirra ríkari. Frá þeirri stefnu verður ekki kvikað - sagði hún, sem þýðir aðeins það eitt að meira kemur af svo góðu!

[Árni Karl Ellertsson, 9.12.2013 kl. 22:54]

Látum jólin lýða svo hendum þessum glæpalýð út úr stjórnarráðinu.

[Árni Karl Ellertsson, 9.12.2013 kl. 22:55]

hendum við,  átti þetta að vera

[Axel Jóhann Hallgrímsson, 9.12.2013 kl. 23:56]

Nákvæmlega!