Atvinnuleysi eykst

Hókus  pókus átak ríkisstjórnarflokkana í atvinnumálum er að gera sig – eða þannig.  Ekkert mál að skapa störf sögðu þeir fyrir kosningar, bara að gefa í og þá er þetta komið.  

En auðvitað er þetta, eins og annað, fyrri ríkisstjórn að kenna, hún stendur enn á bremsunni!

Atvinnuleysi eykst lítillega

Athugasemdir

[Ómar Bjarki Kristjánsson, 16.12.2013 kl. 11:50]

Það er algjört einsdæmi hve þessi ríkisstjórn hefur misst allt á hælana. Enda er gaman að þeim núna bullukollunum á Hrafnaþingi á ÍNN stöðinni. Staðreyndin er að málflutningur sjalla og framsóknarmanna í stjórnarandstöðu var svo yfirgengilegur alveg fáheyrilega ósvífinn - að eg skil tæplega að fólk skuli finnast ástandið núna bara allt í lagi. Vegna þess að málflutningur sjalla og framsóknarmanna var að ekkert mál væri að kippa öllum hlutum í liðinn - bara með að smella fingri. Eitt aðalumræðuefni sjalla í stjórnarandstöðu var að það þyrfti að auka fjárfestingu og atvinnusköpun o.s.frv. - það hefur ekkert gerst eftir að þeir fóru í stjórn. Þvert á móti hafa þeir sett allt í frost. Endar er spaugilegt að fylgjast með bullukollunum núna á Hrafnaþingi.

Eg er á því að menn hafi stórlega vanmetið þann þátt, hvernig er búið að haga samskiptum Íslands útávið síðustu misseri. Og jú jú, meirihluti þjóðar virðist vilja hafa þann hátt að alltaf sé verið að böggast eitthvað í útlendingum. Alltaf eru útlendingar að plotta eitthvað gegn íslendingum o.s.frv.og það verður að svína á þeim einhvernvegin o.s.frv. þ.e. þetta er viðhorfið. Eg held að menn hafi alveg litið framhjá hvaða afleiðingar þetta hefur til lengri tíma litið. Þetta hefur auðvitað þær afleiðingar að útlendingar veigra sér við að koma með peninga hingað upp. Jafnframt er algjört vanmat hjá umtalsverðum hluta þjóðar sem telja að erlend fjárfesting eða lánaskilmálar skipti bara engu máli. Það er vanmat og vanþekking. Í nútíma hagkerfi skiptir það mjög miku máli. Þessvegna vilja flestar vestrænar lýðræðisþjóðir sem byggja á nútímahagkerfi, td. Norður-Lönd, halda sem bestum samskiptum útávið.

[Axel Jóhann Hallgrímsson, 16.12.2013 kl. 12:14]

Stjórnin verður að njóta sannmælis, hún gerði verulega myndarlegt átak í fjölgun aðstoðarmanna ráðherra.

[Sveinn Dagur Rafnsson (IP-tala skráð) 16.12.2013 kl. 21:05]

Og hvað er hægt að búa til mörg störf á 6 mánuðum?

[Axel Jóhann Hallgrímsson, 16.12.2013 kl. 21:20]

Á sex mánuðum er hægt að skapa helminginn af þeim störfum sem er hægt að skapa á heilu ári og áttunda partinn af þeim störfum sem hægt er að skapa á einu kjörtímabili, myndi ég ætla.

Allt sem þarf er viljinn, sögðu Sigmundur og Bjarni - hvar er viljinn?