Hvenær þagna hundarnir?

Staða Hönnu Birnu er fyrir löngu orðin vonlaus, hún er trúnaðarlega í frjálsu falli. Hún grípur í hvert það strá sem á vegi hennar verður í fallinu, ef það mætti verða henni til bjargar. Hún er gersamlega úti á túni í sínu rugli. Hún og afleitur lögmaður hennar virðast þau einu sem ekki skilja það.

Forsætisráðherra vafðist illa tunga um tönn í Kastljósinu í gærkveldi, þegar hann reyndi, með óbragð í munni, að forðast hvað hann gat að lýsa yfir stuðningi við ráðherrann.

Páll Vilhjálmsson, ekki Baugsmiðill, og nokkrir aðrir illa hægrisinnaðir bloggarar, verja Hönnu Birnu enn eins og enginn sé morgundagurinn. Þeir láta eins og staða Hönnu Birnu sé óbreytt frá því  málið kom upp fyrst. Þeir látast ekki sjá ósannindi ráðherrans, rangfærslur, útúrsnúninga og ruglið sem hún hefur orðið uppvís að á undanhaldinu.

Páll og hirðmenn hans  eru farnir að minna á hunda sem verja húsbónda sinn út í eitt, sama hvað. Allir eru löngu hættir að taka gjammið í þeim alvarlega.

Hefði sjálfur ekki rætt við lögreglustjóra

Athugasemdir

[hilmar jónsson, 12.9.2014 kl. 10:50]

Samt athyglisvert hvað félagar Hönnu Birnu á þinginu gefa hana eitthvað frá sér.

Jújú, Palli blaðamaður, en tekur nokkur lengur mark á honum ?

[Axel Jóhann Hallgrímsson, 12.9.2014 kl. 15:24]

Sæll félagi og velkominn!

Já Hanna Birna er orðin ein á báti, útförin ein eftir. Það er fullkomlega skiljanlegt að Bjarni hafi haldið sér til  hlés. Hanna Birna var til skamms tíma helsta ógnin við hans stöðu og það er hans persónulegi hagur að hún grafi sér sem dýpsta holu. ...og hún dregur ekki af sér við gröftinn, aumingja konan.

Það er eins og allt snúist H.B. til ógæfu, hún valdi sér t.a.m. gersamlega óhæfan lögfræðing. Þegar kemur að málefnum tengdum Sjálfstæðisflokknum er Jón Steinar einfaldlega óhæfur sem lögfræðingur og afleitur ráðgjafi. Hann er nefnilega af þeirri undarlegu manngerð sem trúir því staðfastlega að vöxtur og viðgangur Sjálfstæðisflokksins sé æðri lögum.