Endir hefur verið bundinn á upplausnina

Kjartan Magnússon borgarfulltrúi er með skýringarnar á reiðum höndum. Hann segir skýringuna á afleitri útkomu, í nýlegri skoðanakönnun Gallup, þar sem aðeins reyndist 9% stuðningur við borgarstjórnina,  vera vegna 3 mánaða meirihlutasamstarfs vinstriflokkana!  

Þetta endurspegli þá lausung sem skapaðist þegar framsóknarmaðurinn Björn Ingi sleit samstarfinu við sjálfstæðisflokkinn.

 

Kjartan segir að það taki almenning tíma að öðlast traust á borgarstjórn að nýju. Engin tenging virðist vera hjá honum við þá ótrúlegu revíu og fáránleika sem sjálfstæðisflokkurinn hefur boðið borgarbúum uppá síðustu vikur. Þvílík afneitun. Hér er allt sett upp með öfugum formerkjum.

Kjartan lítur algerlega framhjá þeirri staðreynd að fyrri meirihluti naut stuðnings 60% borgarbúa.

Ef Kjartan „lendir í því“ að keyra aftan á næsta bíl, skyldi hann þá kenna fyrri eiganda bílsins um óhappið?

Svo bítur hann höfuðið af skömminni þegar hann kallar  eftir stuðningi þeirra, sem sköpuðu ótraustið að hans sögn, til að vinna að því að skapa traust á borgarstjórn að nýju !!?

Af hverju gerir hann það?