Einar K. Guðfinnsson sýnir tennurnar

"Einar K. Guðfinnsson, sjávarútvegs- og landbúnaðarráðherra, gagnrýndi umhverfissamtök fyrir óþolandi rangfærslur er hann hélt erindi um stöðu helstu hvítfiskstofna á alþjóðlegri sjávarútvegsráðstefnu í Lilleström í Noregi í dag".

Gott mál Einar!

Gagnrýnir umhverfissamtök fyrir rangfærslur

Athugasemdir

[Hafsteinn Viðar Ásgeirsson, 4.3.2008 kl. 14:53]

Þeir eru nú feysknir þessir jaxlar og framgeiflurnar eru á brú, þannig að þetta er allt frekar lélegt sem hann er að sýna virðist mér. En það er víst betra að "veifa röngu tré en öngvu"

[Axel Jóhann Hallgrímsson, 4.3.2008 kl. 15:05]

Takk fyrir innlitið Hafsteinn.

En hvað þýðir þetta í  íslenskri þýðingu?

[Hafsteinn Viðar Ásgeirsson, 4.3.2008 kl. 15:17]

Þessi ráðherra okkar hefur ekki af neinu að guma. 25 ár í kvótakerfi og samfelldur niðurskurður og endalaus vandræði, afleiðingar besta fiskveiðistjórnunarkerfis í heimi. Hann má svo sem trúa því sem hann vill, en þeir sem hafa unnið í kringum þennan viðbjóð vita betur, þó það sé svo sem enginn að fara með það á ráðstefnur í útlöndum, en ekki málið að lýsa vitleysunni sé maður spurður.

[Axel Jóhann Hallgrímsson, 4.3.2008 kl. 15:47]

 Takk fyrir Hafsteinn.

Ég get ekki neitað því að ég deili með þér skoðunum að verulegu leyti í þessu máli. En þarna var Einar að segja og gera nokkuð sem var að mínu skapi. Orð í tíma töluð.

 Mér er alveg sama þótt menn séu pólitískir andstæðingar mínir. Geri þeir eitthvað, sem mér líkar þá hrósa ég þeim, en lít ekki undan og læt sem ég sjái það ekki af því að ég geti ekki litið yfir pólitísku gleraugun. Ég lít heldur ekki undan þegar pólitískir samherjar mínir vaða reyk og fara villur vegar.

Ég hef aldrei undirgengist pólitískan heilaþvott, sannfæring mín er ekki verslunarvara.

Má ég ekki senda þér rósir?

  

[Hafsteinn Viðar Ásgeirsson, 4.3.2008 kl. 16:19]

Þarna erum við algerlega sammála um pólitíkina, enda hefur maður alltaf rekist illa í einhverjum einlitum hjörðum þar sem hlutir eru annað hvort hvítir eða svartir.

Þakka kærlega fyrir rósirnar, þær eru ekki alveg ónýtar......."By the way", var að skoða myndir á síðunni þinni einhvern daginn og rakst þar á myndir úr afmæli gamals kunningja og vinar, Jakobs Skúlasonar. Bið kærlega að heilsa honum...