Geimverur hafa sannarlega lent......

 Þann 20. júlí 1969 lentu geimverur á fylgihnetti reikistjörnu einnar. Þegar þeir voru lentir sendu þeir skilaboð heim. „The Eagle has landed“  („Örninn er sestur“).

Það er harla ólíklegt að ekki sé líf um allan geiminn.  Í okkar vetrarbraut einni eru um 100.000.000.000. sólir.  Ef við hugsum okkur að tíunda hver sól hafi reikistjörnur, tíunda hver af þeim hafi reikistjörnu sem hafi skilyrði fyrir líf, og á tíunda hluta þeirra hafi kviknað „líf“, á tíunda hluta þeirra hafi lífið náð að þróast áfram og á tíunda hluta þeirra hafi þróast æðri lífverur.  Þá eru eftir 1.000.000. sólkerfi með æðra lífi í okkar vetrabraut einni.

 Fjöldi vetrarbrauta í geimnum er meiri en svo að tölu verði á komið. Líkurnar á að við séum einu „geimverurnar“ eru því engar.

„Það eru til geimverur"

Athugasemdir

[Siggi (IP-tala skráð) 26.7.2008 kl. 11:24]

Líkurnar eru aðeins minni en 10 hver :) Ég á eitthverja bók sem talar um þetta hér heima, ég get grafið hana upp þegar ég nenni.

Ef ég man rétt voru þeir sáttir við 900 töluna í hverju sólkerfi, það er þó gríðarleg speculation í svona.

[Axel Jóhann Hallgrímsson, 26.7.2008 kl. 11:42]

Siggi, þakka innlitið og álitið.

Þetta var aðeins sett fram sem leikur að tölum. Þetta sannar ekki að líf sé á öðrum hnöttum, en það að við höfum ekki fulla sönnum fyrir lífi á öðrum hnöttum, sannar ekki heldur ekki að svo sé ekki.

Líkurnar fyrir vitsmunalífi utan Jarðarinnar eru samt svo yfirþyrmilega miklar að það jaðrar við heimskulega afneitun að neita alfarið þeim möguleika og tengist oftast trúmálum. 

[Hallgrímur Þór Axelsson. (IP-tala skráð) 26.7.2008 kl. 12:39]

Að mínu mati er mjög þröngsýnt að telja að á aðeins einni plánetu í allri veröldinni hafi kveiknað líf. Einnig hafa verið settar fram kenningar um að tæknin hjá okkur hafi tekið svolítinn kipp fljótlega eftir að geimverur áttu að hafa brotlent í Roswell í bandaríkjunum og menn vilja meina að þar á milli sé sterk tenging.

[Axel Jóhann Hallgrímsson, 26.7.2008 kl. 12:53]

Sammála.

[Sylvester, 26.7.2008 kl. 13:13]

Það er talið að það séu um það bil 2.5 x 10^11 stjörnur í vetrarbrautinni okkar og 7 x 10^22 stjörnur í alheiminum. Mig langar að benda ykkur báðum á að í dag er talið að um 1/3 stjarna hafi reikistjörnur, sú tala gæti verið miklu hærri því við getum aðeins greint plánetur sem eru nokkuð stærri en jörðin. Hinsvegar mun það breytast fljótlega því NASA í samstarfi við ESA eru að smíða sjónauka sem gæti greint plánetur á stærð við jörðina og greint hvort þar sé vatn eða jafnvel líf. Talið að líkurnar á að líf gæti þrifist á plánetu séu ekki nema um það bil 0,005.

Ef við getum tekið mark á Drake jöfnunni þá eru um það bil 2,3 lífform í okkar vetrarbraut sem við getum haft samskipti við, það er hinsvegar út frá tölum sem við áætlum. Séu aðrar tölur notaðar, eftir því hvað menn eru bjartsnýnir, fást allt frá 0,05, 50 og 5000 lífform sem við getum haft samskipti við. Hinsvegar er þessi jafna nokkuð umdeilt því í henni eru notaðar tölur sem við getum einungis áætlað.

Þá getur maður spurt. Hvers vegna höfum við ekki náð sambandi við geimverur? Fermi paradox segir:

"The apparent size and age of the universe suggest that many technologically advanced extraterrestrial civilizations ought to exist.
However, this hypothesis seems inconsistent with the lack of observational evidence to support it."

Ef við lítum framhjá kenningum um að ríkisstjórnir heimsins hafi  ákveðið að halda samskiptum sínum viðgeimverur leyndum þá eru margir möguleikar í stöðunni.

Sumir kalla það Zoo Hypothesis sem einfaldlega segir að geimverurar séu að fylgjast með okkur, rannsaka og vilji ekki hafa afskipti.  Svipað og í dýragarði.

"It is the nature of intelligent life to destroy itself"

"It is the nature of intelligent life to destroy other"

Samskiptaörðuleikar eru annað svar. Annarsvegar að stærðin sé bara svo mikil að það sé nánast vonlaust að ná sambandi, og svo tíminn sem það tæki. Aðrir segja að við séum að leita eftir vitlausum merkjum, við leitum að útvarpsbylgjum en margir vilja meina að ef til væru geimverur væru þær löngu búnar að þróa aðra samskiptarmöguleika en útvarpsbylgjur til að hafa samskipti. SETI áætlar að með mjög nákvæmum útvarpskíkjum, svo sem Arecibo kíkinum sem er 305 metrar í þvermál, væri aðeins hægt að greina útvarpsbylgjur frá jörðinni í 0,3 ljósára fjarlægð. SETI eru að leita eftir merkjum á sérstökum tíðnum sem hægt er að greina í hundruðir eða jafnvel þúsundir ljósára.  Þeir vilja meina að geimverur myndu senda frá sér merki á þessum tíðnum í von um að aðrið myndu taka eftir þeim. Árið 1974 sendum við einmitt svona merki frá okkur í átt að hópi stjarna í 25,000 ljósára fjarlægð með upplýsingum um okkur.

[Axel Jóhann Hallgrímsson, 26.7.2008 kl. 13:46]

Sæll Sylvester takk fyrir innlitið og fróðlegt innlegg.

Það eru ekki nema rétt rúm 100 ár síðan við sendum frá okkur fyrstu útvarpsmerkin út í geiminn.  Það eru ekki margar stjörnur innan þeirrar vegalengdar. 100 ljósár eru 1/1000 af þvermáli vetrabrautarinnar.  Og þó að einhverjir væru að hlusta á fyrstu skilaboðin núna yrðum við að bíða í rúm 100 ár eftir svari. Margir "menningarheimar" gætu hafa sent sín skilaboð en við erum ekki á réttu tímaskeiði til að nema þau. Mannkynið hefur einungis haft rúm 100 ára möguleika á samskiptum. Bush gæti útrýmt okkur á morgun og þá yrði enginn til að taka við svari.

Hugsum okkur að við jaðar Vetrabrautarinnar hinum megin væri önnur "Jörð", þar væru "menn"sem  enn væru tæplega apar þegar við sendum skilaboðin. Þegar skilaboðin kæmu þangað væri orðin þar þróuð "menning" sem  sendi boð til baka. Þegar þau kæmu til baka væru mennirnir á Jörðinni jafnvel útdauðir fyrir 200.000 árum og ný tegund orðin herra Jarðar og botnaði ekkert í svarinu.

Fjarlægðirnar eru slíkar að mann verkjar undan því að hugsa um þær. Tíminn er höfuðóvinurinn.

[Sylvester, 26.7.2008 kl. 14:30]

Tíminn er nú afstæður ef við viljum leggja út í það. Þyngdaraflið og hraði hafa áhrif á tímann.

Ef við byggjum yfir tækni til að ferðast á ljóshraða myndi tíminn stöðvast og ferðin yfir vetrarbrautina myndi ekki taka neinn tíma fyrir þann sem væri í geimfarinu, hinsvegar væru 100.000 ár liðin á jörðinni. En eins og oft áður hindrar sú eðlisfræði sem við þekkjum það ferðalag því til þess að komast á ljóshraða þyrfti óendanlega orku og sá hlutur sem kæmist á ljóshraða væri óendanlega massamikill.

Hinsvegar væri hægt að komast framhjá þessum hindrunum og það er alveg ótrúlegt hvað mönnum hefur dottið í hug.

[Axel Jóhann Hallgrímsson, 26.7.2008 kl. 14:44]

Þetta er málið. Samkvæmt afstæðiskenningunni myndi geimfari eldast um 56 ár í ferðalagi á ljóshraða frá Jörðinni til næstu vetrarbrautar, sem er Andrómeduvetrarbrautin og til baka aftur. En þegar hann kæmi til baka værum við dauðir fyrir 5 milljón árum. Úps.

[Karma (IP-tala skráð) 28.7.2008 kl. 12:05]

Þegar áætlaðar eru líkurnar á lífi á öðrum hnöttum er yfirleitt reiknað með að lífið þar þróist eins og á Jörðinni. Aftur á móti eru aðrir möguleikar þar líkt og líf með kísilgrunn í stað kolefnisgrunns. Einnig er áhugavert að pæla hvernig súrefnissnauðu lífsformum Jarðar hefði vegnað ef þau jaðarskilyrði sem þau búa við væru ráðandi hér.