Ég fyrirgef þér Agnes,............ eða þannig!

Árni Johnsen hefur ákveðið að fyrirgefa Agnesi Bragadóttur að hafa kjaftað frá því að Árni hafi framið afbrot, verið dæmdur í tukthús og afplánað dóminn, ja eða hluta hans.

Þetta mátti  ekki fréttast aftur.

Þetta er einhver undarlegasta fyrirgefningaryfirlýsing sem ég hef séð. Fyrst kemur fyrirgefningin en síðan hraunar Árni yfir Agnesi um leið og hann upphefur sjálfan sig. Þetta sýnir svart á hvítu að meint iðrun Árna hefur aldrei risið hátt.

Nú er það víst svo, að sögn Árna, að „samkvæmt lögum“  er umfjöllunarbann um hans mál, því hann er nú vammlaus með gæðavottunarstimpil  handhafa forsetavalds, flokksbræðra sinna, á rassgatinu. Flottara verður það víst ekki.

Verður þá ekki að ýta á stóra- stóra Del takkann og má þetta út úr minni þjóðarinnar? Ætli Árni megi vita þetta sjálfur?

Og ábending Árna um skort á mannasiðum hjá öðrum er brosleg.

Þessi málatilbúnaður og málalok eru hinum syndlausa og endurreista þingmanni ekki til álitsauka.

Agnes Bragadóttir hittir sennilega naglann á höfuðið þegar hún segir Árna hafa áttað sig á því á því að þetta myndi kosta hann peninga, og þegar Árni þarf að borga sjálfur hefur hann ekki áhuga.

Árni fellur frá málssókn á hendur Agnesi

Athugasemdir

[Kristján Pétursson, 9.9.2008 kl. 21:22]

Góð lýsing hjá þér á Árna Johnsen,sem þyrlar skít yfir Agnesi,en þorir ekki í málaferli við hana,enda myndi hún rústa hann auðveldlega og hann sæti uppi með nokkur hundruð þúsund í málskosnað.Árni heldur að hann hafi fengið uppreisn æru frá flokksbræðrum sínum,það er mikill misskilningur,hann verður alltaf persónulega jafn tengdur sínum fyrri afbrotum.

[Axel Jóhann Hallgrímsson, 9.9.2008 kl. 21:58]

Takk fyrir innlitið Kristján og undirtektir.