Grútarbræðsluhagfræðinni kastað?

Það eru nokkur tíðindi ef krónan hefur fallið of mikið fyrir smekk og geð LÍÚ. Þau samtök hafa   síðan ég fékk minni, vælt og grenjað í stjórnvöldum fram og aftur, alla tíð, um gengisfellingar á gengisfellingar ofan. Er nú af sem áður var?

Í grátkórnum fór fremstur meðal  jafningja mesti  tárameistari Íslandssögunnar,  Kristján Ragnarsson, hann er sagður hafa grátið jafnt í vöku sem svefni yfir raunum útgerðarinnar.  Það voru að sönnu engin krókódílatár.  

Gengisfellingarnar fengu þeir síðan margfalt upp í rassgatið aftur.  En engan drógu þeir lærdóminn. Mig minnir að þetta hafi verið kallað  „grútarbræðsluhagfræði“ og verið úr smiðju Lúðvíks Jósepssonar.

Nú er þeim sem sagt að verða óglatt. Grúturinn er kominn upp í háls. Það er ákveðinn  þroski af þeirra hálfu. En dýrkeyptur er hann og óvíst að hann verði varanlegur ef gengið styrkist á ný.

Svo er komið að æ fleiri kalla eftir því að stjórn Seðlabankans verði sett af í heild sinni vegna þess að hún er að verða mesti efnahagsvandi þjóðarinnar.

Útgerðin kallar eftir stöðugleika og sterkara gengi