Allt í frjálsu falli.

Miðað við það sem á undan er gengið má ætla að gengi  krónunnar falli næsta hálfa mánuðinn  um 20 til 30%. Dollar verður þá í 127 til 137 krónum, pund í 226 til 245 krónum og evra í 180 til 195 krónum.  

Strúturinn rak  höfuðið upp úr sandinum um helgina með hressilegum hætti, en öfugu megin við búkinn. 

Hann hefur ítrekað talað um að „einmitt vegna aðgerðaleysis ríkisstjórnarinnar“  sé  viðsnúnings að  vænta, ekkert bendir til þess nú, frekar en fyrst þegar það var orðað.

Nú er  aðgerða þörf og það strax. Fall krónunnar og efnahagslífsins verður að stöðva.

Vonandi er að sá fjörkippur sem vart varð um helgina haldi áfram, nema hann sé sprottinn af illgirni og hefndarhug „bílstjóra“ ríkisstjórnarinnar í garð fjandvina sinna, eins og gefið hefur verið í skin.

Ef það er tilfellið hefur þúsundum  hluthafa Glitnis verið gert að greiða háu verði einkastríð „bílstjórans“ á hendur fáum einstaklingum sem hann hefur lagt fæð á og til þess varið 84 milljörðum af almannafé.

Komi þetta á daginn er líklegt, þótt pólitískt minni fólks sé almennt stutt, þá komi kjósendur Sjálfstæðisflokksins  til með að muna þetta. Allir muna það þegar komið er við budduna með svo hressilegum hætti. 

  

Krónan veiktist um 5,3%