Fláráðir draumar

Ég get ekki sagt að ég sé mjög gefinn fyrir að láta í minni pokann eða tapa kosningum.  Þó hef ég orðið að sætta mig við það einstaka sinnum gegnum árin. 

Það getur verið  sárara en tárum taki að tapa. Ég hef brugðist við þannig uppákomum með því að fara ýmist í magnaða fýlu eða reynt að halda reisn og allt þar á milli.

En á morgun fer fram kosning sem ég af öllu hjarta vona að ég og þjóðin öll töpum. Það er kosningin  í Öryggisráðið. Þangað eigum við ekkert erindi. Svo ekki sé nefnd sú staðreynd, sem er deginum ljósari, að nú um stundir höfum við öðrum hnöppum að hneppa.

Beinum öllum okkar kröftum að lausn efnahagsmála landsins, ekki mun af veita næstu mánuði og ár.

 Geymum gæluverkefnin.

 

Kosið til öryggisráðsins á morgun

Athugasemdir

[Guðný Einarsdóttir, 16.10.2008 kl. 16:23]

Alveg hreint eins og talað frá mínu hjarta...

[Axel Jóhann Hallgrímsson, 16.10.2008 kl. 16:35]

Guðný, takk fyrir það.