Alþingishúsið grýtt?

Hvernig er hægt að „grýta“ eggjum?  Voru þetta steingerð egg?

.

.

Burt með spillingarliðið....... og enga Breta hingað til landvarna, aldrei!

 

Eggjum kastað í Alþingishúsið

Athugasemdir

[Björn Magnús Stefánsson, 8.11.2008 kl. 16:19]

Eru þetta ekki óþarfa útúrsnúningar... Þetta er orðatiltæki sem er vel kunnugt í íslensku máli.

[Axel Jóhann Hallgrímsson, 8.11.2008 kl. 16:33]

Björn, þetta er ekki  orðatiltæki, hvað þá þekkt, heldur röng málnotkun.

Eða eins og orðið "grýta"segir þá var grjóti kastað. Það er því ekki hægt að grýta neitt nema með grjóti.

[hallgrímur pétursson (IP-tala skráð) 8.11.2008 kl. 16:38]

Silfrinu í gólfið grýtti

Gekk þaðan, mjög sér flýtti

og hengdi sjálfan sig.

.... en Halli Pé var sosum ekki mikill íslenskumaður 

[Gunnar Kristinn Björgvinsson, 8.11.2008 kl. 16:42]

Jú Björn það er rétt hjá þér.

Við erum búin að láta valta yfir okkur á stjórnsýslu og fjármálhliðinni - svo viðö skulum bara líka gefast upp á að halda íslenskunni við.

Blaðamenn eiga að hafa íslenskan málskilning.  Að grýta er að kasta grjóti - orðið segir það.

Grýting er líka þekkt á alheimsvísu, bæði úr biblíunni, Sharia lögum öfgaislamista og í ýmsum öðrum myndum.  Þar er ekki verið að tala um að kasta eggjum og tómötum.  Grjóti.

Ef þú ert erlendur fréttamaður og rennir svona frétt í gegnum þýðingarvél þá færðu ekki upp "throwing eggs".  Þú færð "stoning".  Það er sú frétt sem færi síðan út um heiminn - í boði moggans...

[Axel Jóhann Hallgrímsson, 8.11.2008 kl. 17:30]

Nú hefur Mbl. leiðrétt fréttina og er hættur að "grýta" eggjum, þeim er nú kastað.

[Sigurbjörn Friðriksson, 9.11.2008 kl. 16:24]

Axel Jóhann;  Ég er sammála þér.  (Grjót = grýta grjóti). Þegar ég las fréttina á mbl.is skildi ég ekki betur en að verið væri að kasta grjóti, samanber alþingishússmótmælin vegna inngöngunnar í Nató.  Hitt heitir "eggjakast".  Svo er til "hnútakast"  o.s.frv. 

Hitt er annað mál að, Íslenskukunnátta blaða- og fréttamanna þeirra sem rita í mbl.is fréttirnar er þekkt hjá okkur bloggurum sem algjör hneysa og þarf varla að fara mikið fleiri orðum um hana (hneysuna).

Hallgrímur Pétursson hefur skáldaleyfi til að nota "grýtti" í Passíusálmum sínum til að orð fái að ríma.  Þá held ég að ekkjakast og tómatakast hafi ekki verið þekkt fyrirbæri á þeim tímum sem hungursneyðir voru við hvers manns dyr nánast árlega.

Kveðja, Björn bóndi.