Ekki svikin vara?

Hvernig stendur á því að sumt nautahakk er  ekki hægt að steikja eða brasa á pönnu því það fer á flot í vatni sem úr því kemur og soðnar en steikist ekki? 

Hvar og hvernig komst vatnið  í hakkið?  Til hvers var því blandað í hakkið? Liggur það ekki í augum uppi? Hvernig stendur á því að hamborgarar eiga það til að hverfa á pönnunni?

Hvað verður um allt kýrkjötið sem til fellur, kannast einhver við að sjá það til sölu í einhverju formi? Það skyldi þó ekki vera að það stökkbreytist í  nautakjöt  á  leið sinni frá sláturhúsi í kjötborðið?

Engin brögð í tafli? Góður þessi!

Segja engar vísbendingar um brot á reglum um kjöt

Athugasemdir

[Guðmundur Júlíusson, 11.9.2009 kl. 21:19]

Kýrkjöt er víða selt í verslunum í dag, undir nafninu nautgripahakk og er oft selt í sumum verslunum til að sýna lág verð, og er alls ekki það sama og "ungnautahakk" sem er af ungnauti UN1,  þannig að þeirri spurningu þinni er svarað hvað það  varðar, varðandi það að hamborgarar verða að vatni eða þá að þeir hreinlega hverfi, þá get ég ekki með vissu sagt til um það, enda aldrei lent í því.

[Axel Jóhann Hallgrímsson, 11.9.2009 kl. 21:25]

Takk fyrir það Guðmundur.

[Jón Snæbjörnsson, 11.9.2009 kl. 21:29]

hvað ertu að skammast Axel, það er búið að gefa það út af "samtökunum" að ekkert svindl sé stundað - bara blaður í stráknum frá Hálsi eða þannig

[Axel Jóhann Hallgrímsson, 11.9.2009 kl. 21:36]

Jón, þá þarf ekki frekari vitnana við. Málið dautt.

[Finnur Bárðarson, 11.9.2009 kl. 21:45]

Jón Bjarnason er búinn að staðfesta þetta líka sem Jón segir. En samt sýður helvítis hakkið í pönnunni minni

[Jón Snæbjörnsson, 11.9.2009 kl. 21:55]

steindautt - ekki lýgur Jón Bjarnason

[Axel Jóhann Hallgrímsson, 11.9.2009 kl. 21:58]

Þið eruð tæpt hænufet frá því að sannfæra mig strákar!

[Pétur Ó. (IP-tala skráð) 11.9.2009 kl. 22:10]

Hver leyfir kjötiðnaðarmönnum að sprauta vatnsbindandi efnum í kjúklingabringur? Hvaða stjórnmálamenn leyfa kjötiðnaðarmönnum að blanda kartöflumjöli í nautahakk? Þetta eru hrein og klár vörusvik sem gerð hafa verið lögleg m.a. vegna lélegra fordæma t.d. í Danmörku þar sem kjötiðnaðurinn hefur fengið að vaða uppi í lágkúru áratugum saman. Þegar ég kaupi nautahakk vil ég að eingöngu sé nautahakk í hakkinu. Þau rök að ekki sé nein drottning í Drottningarsultunni frá Ömmusultum á hér síður við.

[Axel Jóhann Hallgrímsson, 11.9.2009 kl. 22:26]

Þú segir nokkuð, Pétur.

[Jón Snæbjörnsson, 11.9.2009 kl. 22:44]

maður bara glaðvaknar við gusganginn í Pétri

[hilmar jónsson, 11.9.2009 kl. 22:45]

Sprauta vatnsbindandi efnum í kjúklingabringur ? Er það í alvöru gert ?

[Jón Snæbjörnsson, 11.9.2009 kl. 22:48]

tja Pétur hér fyrir ofan vill meina það hmm - hvar er Finnur ? hann vill kanski leggja orð í "belg"

[Axel Jóhann Hallgrímsson, 11.9.2009 kl. 22:59]

Já, já Hilmar það er nauðsynlegt því annars yrðu kjúklingarnir svo skelfing þurrbrjósta.