Enga hnífa takk, byssur já takk og mikið af þeim.

Svokölluð núllstefna gagnvart hnífum virðist  ástunduð í skólum í Bandaríkjunum, þeir alfarið bannaðir, enda hættuleg tól.

Það fékk hann að reyna 6 ára drengurinn sem í fáfræði og barnaskap tók með sér ferðahnífapör í skólann.  Og allt varð vitlaust, kerfið sett á fullt og Refsingar, með stórum staf, skipulagðar.

Það er undarlegt að foreldrar skuli styðja þetta bull. Foreldrar sem hafa svo byssur á heimilunum þar sem börn geta náð til þeirra með hræðilegum afleiðingum eins og dæmin sanna. Foreldrar sem jafnvel kenna börnum sínum að skjóta af byssum áður en þau læra að ganga yfir götu.

Það er stórundarlegt  þegar kemur að byssum hjá þessari miklu þjóð þá missa menn sig algerlega og fara framúr sjálfum sér í aðdáun og dýrkun á þeim tólum.  

Hnífar nei, en byssur já vinur og þær sem stærstar og flestar og sem víðast til varna, þá væntanlega gegn þeim sem gætu haft tamið sér notkun hnífapara.

Sex ára dreng refsað vegna hnífapara

Athugasemdir

[Björn Birgisson, 14.10.2009 kl. 13:38]

Í mínum huga hafa Kanarnir alltaf spannað alla kúrfuna. Þeir eru bæði flottastir og langvitlausastir allra þjóða í heiminum.

[Axel Jóhann Hallgrímsson, 14.10.2009 kl. 13:46]

Ég held þú hittir þarna naglann "lóðbeint" á höfuðið Björn.

[Jón Snæbjörnsson, 14.10.2009 kl. 15:18]

öfgarnar hjá þeim eru rosalegar

[Axel Jóhann Hallgrímsson, 14.10.2009 kl. 15:49]

Já Jón, en þeir eiga sannarlega góða punkta.