Hver er krafan Jón?

Jón Gerald Sullenberger virðist ekki  hafa maga fyrir samkeppni því hann er strax í fyrstu viku farinn að grenja.

Hver er krafan hjá Jóni?  Eiga birgjar að hækka verðin til Bónus svo Bónus verði að koma upp að hliðinni á Jóni í verðum?

Verður það kjarabótin sem Jón ætlaðir að færa landsmönnum?

Ef útsöluverðin  í Bónus eru lægri en Sullenberger  stendur til boða hjá birgjum væri þá ekki einfaldast hjá honum að gefa skít í birgjana og birgja sig upp í Bónus?  Þar er jú lægsta verðið.

 

Vill betra verð frá birgjum

Athugasemdir

[hilmar jónsson, 20.11.2009 kl. 20:06]

Enda mótívið hjá honum gagnvart rekstri hér svona frekar strange..

[Guðmundur 2. Gunnarsson (IP-tala skráð) 20.11.2009 kl. 20:24]

Að gefnu tilefni vegna umræðunnar um markaðshludeildar Hagaverslana í dagvörumarkaði að undanförnu sem er sagður 60 - 70%, á meðan eigandinn Jóhannes Jónsson kenndur við Bónus vill meina hann vera ca. 40%.

“Það er auðvitað bara mannlegt að hugsa sterkum keppinautum þegjandi þörfina. Það þarf ekki einu sinni að vera einhver sem þú hefur tapað stórkostlega fyrir heldur bara einhver sem er stærri en þú. Í viðtali við Friðrik Þór Guðmundsson sem birtist í Pressunni 10. janúar 1991 vandar Jóhannes Jónsson kaupmaður í Bónus Hagkaupum ekki kveðjuna og segir Haugkaup „stórhættulegt bákn“. Hann bætir svo við að engu fyrirtæki sé hollt að hafa yfir 10% markaðshlutdeild en þá hafði Bónus þegar náð um 7% hlutdeild eftir tæplega tveggja ára starf. Bónus hafði því, þegar viðtalið var tekið, gengið mjög vel frá upphafi en engu að síður hugsaði Jóhannes á þeim nótum að það væri ekki æskilegt að einhver væri mikið stærri en Bónus. Hann var eins og svo margir aðrir fastur í þeirri hugsun að kaupmenn geti bundið neytendur á bás. Þó hafði hann fyrir augunum daglega að margir neytendur voru að flytja matarinnkaup sín til Bónuss frá Hagkaupum og öðrum verslunum.”

http://www.andriki.is/default.asp?art=29042004

Segir þetta ekki allt sem segja þarf um hverslags skaðræðismenn Jóhannes Jónsson og Jón Ásgeir Jóhannesson hafa verið landi og þjóð, og þá aðeins sem snýrð að því sem heiðarleg og eðlileg samkeppni varðar, fyrir utan þess skaða sem bakreikningarnir frá þeim og þeirra þátt hrunsins hafa valdið?

[jóhann pall (IP-tala skráð) 20.11.2009 kl. 21:46]

jæja

[Jón Snæbjörnsson, 20.11.2009 kl. 22:19]

pay and smile guys

[Axel Jóhann Hallgrímsson, 20.11.2009 kl. 23:09]

Hilmar; ég hef ekki heillast af þessum Sullenberger þótt sumir haldi ekki vatni yfir honum, en samt vona ég að þetta gangi hjá honum.

[Axel Jóhann Hallgrímsson, 20.11.2009 kl. 23:12]

Guðm.2Gunn; er þetta skaðræði sem þú segir þá feðga vera, bundið við þá persónulega eða hverja þá, svona almennt,  sem hafa markaðsyfirburði?

[Axel Jóhann Hallgrímsson, 20.11.2009 kl. 23:15]

Jóhann Páll; já góði minn.

Sæll félagi gaman að heyra frá þér, enda langt síðan síðast. Enn við sama heygarðshornið, geri ég ráð fyrir.

[Axel Jóhann Hallgrímsson, 20.11.2009 kl. 23:16]

Jón; já við brosum hringinn.

[Guðmundur 2. Gunnarsson (IP-tala skráð) 20.11.2009 kl. 23:33]

Hvorutveggja. Sammála Jóhannesi Jónssyni um "stórhættulega báknið" sem "viðskiptastórveldi" eru, þas. skoðun hans þegar hann sagðist eiga erfitt uppdráttar vegna 10% "einokunarstöðu" Hagkaupa á sínum tíma.  En er það ekki þetta sem er kallað "að byltingin étur börnin sín"?  Vonandi er Jón Gerald heill og heiðarlegur í því sem hann er að vinna að, og nái að gera eitthvert gagn við að ná vöruverði niður í landinu á þessum síðustu og verstu.  Það er það eina sem skiptir máli.

[Axel Jóhann Hallgrímsson, 21.11.2009 kl. 02:08]

Þekkir þú einhvern Guðmundur 2. G. sem væri líklegur til að setja á stofn verslun eða annan rekstur, sem stækkaði og yxi með tímanum og sá maður myndi svo í rás tímans segja við sjálfan sig; nú er ég að verða of stór, ég má ekki stækka meira, ekki græða meira, ég verð að slá af, hleypa öðrum að kökunni og græða með mér.

Væri það ekki í hróplegri mótsögn við einkareksturs gróðahugsjón Sjálfstæðisflokksins sem vill að menn græði svo fremi að þeir njóti velþóknunar flokksins.

Ég ætla ekki að verja eða réttlæta gerðir Bónusfeðga en þeirra höfuðsynd var að sjálfsögðu að hafa náð að hasla sér völl á yfirráðasvæði Kolkrabbans og ryðja honum síðan til hliðar í verslunargeiranum, þar sem blessum ákveðins flokks var nauðsynleg talin til að fá að selja sykur og salt.

Er Sullenberger líklegur til að láta ekki græðgina ná á sér tökum komist hann í þannig stöðu? Er hann vammlaus, var hann ekki á bekk ákærða með Jóni Ásgeir í ákveðnu máli?

[Gummi (IP-tala skráð) 21.11.2009 kl. 11:51]

Thad er margt til í thví sem thú segir Axel.

[Guðmundur 2. Gunnarsson (IP-tala skráð) 21.11.2009 kl. 16:21]

Já Axel.  Jóhannes Jónsson kenndur við Bónus.....þas. það meinti hann einu sinni.  (O:

Ætla ég að stelast til að birta gömul ummæli Jóhannesar Jónssonar kenndan við Bónus og Baug, þar sem hann fjallar um eyðileggingarmátt auðhringa og markaðsráðandi afla í þjóðfélaginu. Þar kemur aðeins önnur skoðun fram hjá þessum öðlingi en þessi misserin. Mikið er vitnað í hans eigin orð varðandi 30 - 40% mörkin sem mikið er bryddað á, og hann og hans hafa varið og gefið í skin að gæti verið markaðshlutdeild Bónus og Haga verslana, meðan 60 - 70% er haldið fram af sérfróðum.

Viðtal sem Jóhannes gaf í Pressunni sálugri 1991, gerir hann ágætlega grein fyrir skoðunum sínum við Friðrik Þór Friðriksson blaðamann, en djúpt er á viðtalinu í heild á veraldarvefnum, en fann þó þennan hluta á Andríki/Vef-Þjóðviljanum.

Með leyfi háttvirts síðuhaldara:

“Það er auðvitað bara mannlegt að hugsa sterkum keppinautum þegjandi þörfina. Það þarf ekki einu sinni að vera einhver sem þú hefur tapað stórkostlega fyrir heldur bara einhver sem er stærri en þú. Í viðtali við Friðrik Þór Guðmundsson sem birtist í Pressunni 10. janúar 1991 vandar Jóhannes Jónsson kaupmaður í Bónus Hagkaupum ekki kveðjuna og segir Haugkaup „stórhættulegt bákn“. Hann bætir svo við að engu fyrirtæki sé hollt að hafa yfir 10% markaðshlutdeild en þá hafði Bónus þegar náð um 7% hlutdeild eftir tæplega tveggja ára starf. Bónus hafði því, þegar viðtalið var tekið, gengið mjög vel frá upphafi en engu að síður hugsaði Jóhannes á þeim nótum að það væri ekki æskilegt að einhver væri mikið stærri en Bónus. Hann var eins og svo margir aðrir fastur í þeirri hugsun að kaupmenn geti bundið neytendur á bás. Þó hafði hann fyrir augunum daglega að margir neytendur voru að flytja matarinnkaup sín til Bónuss frá Hagkaupum og öðrum verslunum.

http://www.andriki.is/default.asp?art=29042004