Engan smáprest á Selfoss.

Ekki hefur friðarins andi lagst yfir Selfyssinga þótt höggið hafi verið á Gunnarshnútinn. 

Nú er vá fyrir dyrum, því síðasta Kirkjuþing samþykkti að sameina Hraungerðisprestakall og Selfossprestakall.

Ekki eru Selfyssingar sáttir við að sóknarprestur Hraungerðisprestakalls verið við sameininguna sjálfkrafa prestur hinna sameinuðu sókna og krefjast af biskupi að prestur safnaðarins verði valin í almennum prestskosningum.

Þetta er auðvitað sjónamið út af fyrir sig en rökin fyrir kröfunni eru hreint alveg dásamleg. Það gengur auðvitað ekki að prestur úr einhverri smásókn labbi sér sisvona inn í stór-Selfosssókn.

Selfyssingar vilja enga smápresta, enda stórhugamenn.

 

Vilja kjósa um sóknarprest

Athugasemdir

[Sigurbjörg Eiríksdóttir, 27.11.2009 kl. 10:51]

Já, ég tók eftir þessu líka.)..Smáprestar:o)...Þeir eru orðnir vanir mótmælunum Selfyssingarnir.

Kveðja.

[Axel Jóhann Hallgrímsson, 27.11.2009 kl. 11:51]

Ég fagna því auðvitað þegar lýðræðisástin grípur menn. Auðvitað þarf ekki að efast um, hefði litla prestakallið verið prestlaust, hefðu sömu aðilar líka krafist kosninga svo öllu lýðræðislegu réttlæti væri fullnægt.

Raunar er örlítið broslegt þegar lýðræðishugtakið er notað í þessum tilgangi, þar sem lýðræði er ekki eitt af grunngildum kristinnar kirkju heldur einræði, þar sem meðlimir hennar beygja sig í trúnni án skilyrða undir alvald og vilja eins aðila.

En það er önnur saga en vonandi fer ró að færast yfir svæðið.