Kransakökumanía Íslendinga

Í dag var sprengt  í gegn í Bolungarvíkurgöngunum og af því tilefni var auðvitað slegið upp veislu.

Það var vitanlega  boðið upp á kransaköku, hvað annað, því ekki virðist hægt að halda veislu á Íslandi nema þar sé kransakaka í öndvegi.

Þessi ást Íslendinga á kransakökum er stórundarleg af þeirri einu ástæðu að enginn étur þær. Þær standa yfirleitt nær ósnertar í veislulok.

Mig grunar að ekki hafi verið mikil umferð um þessi Óshlíðarkransakökugöng hafi eitthvað annað og ætilegt verið á boðstólnum.

Kristján sprengdi í göngunum

Athugasemdir

[Hólmfríður Bjarnadóttir, 28.11.2009 kl. 23:01]

Kransakökur eru góðar Axel, ekki vera svona vandætin

[Gísli Sigurðsson, 28.11.2009 kl. 23:12]

Þá höfum við greinilega aldrei lent í sömu veislu Axel, ég hef aldrei held ég verið í veislu þar sem einhver afgangur hefur orðið af kransaköku.

[Axel Jóhann Hallgrímsson, 28.11.2009 kl. 23:23]

Sem betur fer er smekkur manna misjafn Hólmfríður.

[Axel Jóhann Hallgrímsson, 28.11.2009 kl. 23:23]

Já Gísli það er greinilegt.

[Ásdís Sigurðardóttir, 29.11.2009 kl. 16:46]

[Hildur Inga Rúnarsdóttir (IP-tala skráð) 30.11.2009 kl. 00:15]

Þetta er rétt hjá þér Axel kransakökur er ekki góðar -það eina sem er gott við kransakökur eru konfektmolarnir sem eru límdir utan á hana:)

[Guðmundur St Ragnarsson, 4.12.2009 kl. 23:18]

Þetta er stórmerkileg opinberun sem þú færir fram hérna Axel. Ég hreinlega elska kransakökur en borða þær aldrei. Í hvaða galdraálögum er maður. Hver lagði þessi álög á okkur öll?