Fullkomnun "sköpunarverksins"

Maðurinn, sem meðfylgjandi frétt fjallar um, er af náttúrunnar hendi útbúinn tvennum „tólum“. Í samræmi við nýjustu strauma og stefnur er annað „tólið“ auðvitað gagnkynhneigt  og hitt samkynhneigt!

Er nokkuð eðlilegra?

 

Fæddist með tvö typpi

Mömmustrákar "meika" það

Í viðhengdri frétt Smartlandsins er fjallað um einhverja rannsókn sem hampar mömmustrákum sérstaklega. Samkvæmt rannsókninni gengur mömmustrákum betur í lífinu og þeir ná lengra á framabrautinni en aðrir drengir.  Hvort eitthvað sé til í því skal ósagt látið og engin dæmi eru nefnd í fréttinni, rannsókninni til stuðnings.

Við lauslega athugun kemur í ljós að þekktustu mömmustrákar mannkyns eru t.a.m., Napoleon, Bismarck, Hitler, Alexander mikli, Hindenburg, Stalín, Mussolini, Sesar, Nero, Ívan grimmi og Franco svo aðeins fáeinir séu hefndir.

Þetta er fríður flokkur mömmustráka sem urðu mestu harðstjórar og grimmdarseggir sögunnar og náðu sannarlega lengra en aðrir drengir á sínum samtíma.

Hvaða mömmustrákur vildi ekki tilheyra þessum fríða flokki?

Í upptalninguna hér að framan vantar að sjálfsögðu þekktasta mömmustrák Íslands, þann sem komist hefur næst því að teljast fullkominn einvaldur í íslenskum stjórnmálum, dáður og dýrkaður.

Mömmustrákar standa sig betur

Alfinnur álfakóngur segir mælinn fullan - og rúmlega það

Jæja, þá eru álfarnir mættir til leiks. Þá er best fyrir vegagerðina að pakka saman og gleyma þessari vegagerð, vilji hún ekki hafa verra af.

Auðvitað voru það álfarnir sem skemmdu vélar verktakans, asni var maður að sjá það ekki strax.

 

Ef þið trúið mér ekki, spyrjið þá bara umboðmann álfanna.

 

 

„Ég stend hér fyrir hönd álfanna“

Mikið var

Hann var ansi hressilegur skjálftinn sem kom hérna í Grindavík klukkan 7:35, stuttur en snarpur.

Þetta gæti orðið skemmtilegur dagur.  

  

Jörð skelfur við Reykjanestá

Er löglegt að ráðleggja fólki hvaða vitleysu sem er?

Það væri auðvitað ágætt ef ritstjóri Smartlandsins upplýsti hvort hún hafi reynt þessi „fáránlegu góðu ráð við sólbruna"  á eigin skinni, þegar hún mælir svo sterkt með þeim fyrir aðra.

Sólbruni er dauðans alvara sem hlutaðeigandi og ritstjóri Smartlands ættu ekki að reyna að lækna með tepokum og hafragraut.

 

Ætli megi auka virkni tepokana með smá særingarþulu?

 

 

 

Fáránlega góð ráð við sólbruna

Sagnfræðileg rannsókn á framtíðinni

Guðni Th. Jóhannesson sagnfræðingur hefur opinberað ítarlega  sagnfræðirannsókn sem hann hefur gert á því tímaskeiði sem gengur í garð að loknum komandi kosningum.  Rannsókn Guðna bendir eindregið til þess að illa muni ganga að mynda ríkisstjórn, kjósi kjósendur ekki rétt.  

Guðni er klárlega að koma því á framfæri við kjósendur að atkvæði greidd öðrum en Framsóun og Sjálfstæðisvafningum sé ávísun á stjórnarmyndunarvandræði.  .......og hver vill það?

Þetta verklag Guðna er auðvitað til fyrirmyndar og sparar mikla vinnu. Með því að stunda sagnfræðilegar rannsóknir á framtíðinni er hægt að hafa allar sagnfræðilegar niðurstöður framtíðar klárar löngu áður en framtíðin verður orðin að nútíð, hvað þá fortíð.

Undarlegt er að engum sagnfræðingi hafi dottið þetta snilldar verklag í hug fyrr!

  

Loðin svör við loðnum spurningum

Vorið kemur á venjulegum tíma, því miður

Þetta vetrarveður, sem nú gengur yfir, hlýtur að vera mikil vonbrigði fyrir þá sem vildu trúa því að vorið hefði gengið í garð á miðjum Þorra.

En þeir sem vita enn á hvaða landi þeir búa, halda ró sinni og reikna með komu vorsins á hefðbundnum tíma.

  

Snælduvitlaust veður fyrir norðan

Heimsendaspádómasmiðir misstu af gullnu tækifæri

Það er alger og mögnuð tilviljun, þegar þess er beðið að „smástirnið 2012DA14“ fari framhjá Jörðu í „öruggri“ fjarlægð í dag, að þá skuli annar loftsteinn splundrast yfir byggð nokkrum klukkutímum fyrr og valda tjóni og slysum á fólki.

Það var höggbylgjan af sprengingunni sem olli tjóninu en ekki brot úr loftsteininum, sem var 5 til 15 metrar í þvermál. Brotin hafa sennilega brunnið upp að fullu áður en þau náðu til jarðar. Ekkert samband er milli þessara tveggja loftsteina, enda koma þeir hvor úr sinni áttinni.  

1908 sprakk loftsteinn yfir Tunguska í Síberíu sem var um 50m í þvermál og gjöreyddi sprengingin skógi á 5000 fer.km. svæði. 2012DA14 er af svipaðri stærð og Síberíusteinninn. Hefði það verið hann sem var á ferðinni í morgun værum við að upplifa atburð af allt annarri stærðargráðu, en þó engan heimsendi.

Eftir atburði morgunsins verða þeir sennilega margir sem halda niðri í sér andanum og bíða fregna þess efnis að 2012DA14 sé farinn hjá.

Heimsendaspádómasmiðir hverskonar hefðu auðvitað kosið að frétta af þessu með meiri fyrirvara til að geta sest yfir það að hanna enn einn heimsendinn.

  

Engin tengsl við smástirnið

Að finna sér tilgang

Loksins er talin vera fundin skýring á einhverri mestu ráðgátu mannkyns, hvernig á því stendur að húð manna hrukkast við veru í vatni.

Það er hinsvegar fullkomin ráðgáta hvort þessi rannsókn hafi einhverja hagnýta þýðingu. Það eitt og sér kallar auðvitað á nýja rannsókn fyrir þá sem hafa ekkert þarfara að gera.

Mikil ráðgáta er loksins leyst

Vatnselgur

Ekki myndi ég vilja lenda í þessum vatnselg í ham.

 

 

Búist við vatnselg