Mömmustrákar "meika" það

Í viðhengdri frétt Smartlandsins er fjallað um einhverja rannsókn sem hampar mömmustrákum sérstaklega. Samkvæmt rannsókninni gengur mömmustrákum betur í lífinu og þeir ná lengra á framabrautinni en aðrir drengir.  Hvort eitthvað sé til í því skal ósagt látið og engin dæmi eru nefnd í fréttinni, rannsókninni til stuðnings.

Við lauslega athugun kemur í ljós að þekktustu mömmustrákar mannkyns eru t.a.m., Napoleon, Bismarck, Hitler, Alexander mikli, Hindenburg, Stalín, Mussolini, Sesar, Nero, Ívan grimmi og Franco svo aðeins fáeinir séu hefndir.

Þetta er fríður flokkur mömmustráka sem urðu mestu harðstjórar og grimmdarseggir sögunnar og náðu sannarlega lengra en aðrir drengir á sínum samtíma.

Hvaða mömmustrákur vildi ekki tilheyra þessum fríða flokki?

Í upptalninguna hér að framan vantar að sjálfsögðu þekktasta mömmustrák Íslands, þann sem komist hefur næst því að teljast fullkominn einvaldur í íslenskum stjórnmálum, dáður og dýrkaður.

Mömmustrákar standa sig betur

Athugasemdir

[Jóhann Elíasson, 5.12.2013 kl. 06:45]

Einhver skilaboð hlýtur "Smartlandið" að vera að senda út með þessu?????

[8 (IP-tala skráð) 5.12.2013 kl. 07:08]

Afhverju ekki að hvetja konur og karlmenn til að fylgja hjartanu? Smartlandið hvetur konur til að finna sér karlmenn sem standi sig betur í vinnunni (eigi meiri peninga etc). Ástin lifir ekki lengi í Smarlandsvæddum heimi. Smartlandsvæðingin stuðlar að staðalímyndum og fordómum og fyrirlitningu gagnvart konum byggðri á fölskum viðhorfum eins og að þær séu hjartlausir gullgrafarar.

[8 (IP-tala skráð) 5.12.2013 kl. 07:10]

Svo er auðvitað líka verið að styrkja fordóma sem eru varla til. Fordóma gegn mömmustrákunum, svona með því að minna fólk á tilvist þeirra. Mömmudrengir eru ekki vandamál í íslensku samfélagi. Upplausn fjölskyldunnar er það, sem og einmanaleiki aldraðra á elliheimilum þar sem nær enginn heimsækir þá. Dag einn verður Smartlands Marthan líka gömul og óskar þess hún hefði notað tímann betur, því henni var gefin mikil áhrifastaða í samfélaginu, en fór á mis við að nýta hana til eins mikils góðs og hefði verið hægt.

[Axel Jóhann Hallgrímsson, 5.12.2013 kl. 07:14]

Smartland er land sem er ekki á allra færi að skilja.