Látum reynsluna ráða

Í Morgunblaðinu birtast, að mér skilst, dag eftir dag heilsíðuauglýsingar um ágæti Davíðs Oddsonar. Sem er örugglega gott fyrir bágan rekstur blaðsins, sem má muna fífil sinn fegurri.

Þar á meðal er auglýsing með flennistórri mynd af Davíð og konu hans. Undir myndinni er ritað stríðsletri:

„Látum reynsluna ráða úrslitum“.

Fyrirsögn auglýsingarinnar gæti ekki verið raunsannari. Reynslan af Davíð mun svo sannarlega ráða úrslitum.

Þjóðin mun því hafna Davíð - afgerandi!

Skoðanakannanir sýna að sú örlitla stundarhrifning sem varð yfir framboði Davíðs, innan fámenns hóps, er að fjara út – hægt en örugglega.