Fiskeldið haft til blóra.

Ég var á togara í rúm 14 ár. Það var býsna algengt að í aflanum væru vanskapaðir fiskar, raunar algengara en ætla mætti fljótt á litið. Vansköpun var mun algengari í þorski en öðrum tegundum.

Vanskapnaðurinn var ýmiskonar, höfuðin aflöguð, hryggurinn skakkur og skældur, búkurinn óeðlilega stuttur og aflagaður o.s.f.v.

Þetta gerðist þrátt fyrir að hér á landi væru engin þorskeldisfyrirtækin til að kenna um vanskapnaðinn.

 

Vanskapaðir þorskar veiðast

Athugasemdir

[Þorgeir Ragnarsson (IP-tala skráð) 23.2.2010 kl. 13:39]

Fæðist ekki reglulega vanskapað fólk? Verst að geta ekki kennt einhverjum um það.

Dæmigerð illa unnin frétt. Tíundaðar eru áhyggjur einhverra af því að vanskapaðir fiskar fjölgi sér í náttúrunni án þess að minnsta tilraun sé gerð til þess að gera grein fyrir hvort upplýsingar liggi fyrir um hvort vanskapnaðurinn sé af arfgengum orsökum eða ekki. Auk þessa fá sjónarmið fiskeldisins varðandi þetta atriði ekki að heyrast.

[Axel Jóhann Hallgrímsson, 23.2.2010 kl. 13:50]

Það mætti skella því á tæknifrjóvgun.

Svo er eldisfiskurinn að sjálfsögðu afkvæmi villtra fiska og genin ættu því ekki að vera neitt frábrugðin.

[Ingibjörg Guðrún Magnúsdóttir, 23.2.2010 kl. 16:23]

Man eftir því í frystihúsunum á yngri árum að það kom ekki fiskur í húsið liggur við að ég segi án þess að það væri 1 vanskapaður þorskfiskur innan um og þá aðalega man ég eftir því í þorskinum. Þannig að kannski er það algengara en menn gefa sér. Það kemur reyndar fram í fréttinni að sýni hafi verið tekin á vanskapaða þorskinum sem og frá eldisstöðinni en ekkert sagt um niðurstöðu.

[Axel Jóhann Hallgrímsson, 23.2.2010 kl. 16:27]

Þetta er dæmigerð æsifrétt spunnin upp úr umhverfisofsa.