Röng frétt, leiðrétt, en flutt aftur röng 7 tímum síðar.

Í aukafréttatíma Sjón- varpsins í hádeginu var Bogi Ágústsson með Pál Einarsson jarðeðlisfræðing í viðtali. Meðan á því stóð var sýnd mynd sem tekin var úr gervihnetti og á henni mátti sjá svartan skugga sem lá til austurs frá gossvæðunum og sagt að gosmökkurinn hefði sést úr geimnum.

En Bogi og Páll áttuðu sig á því að þetta passaði hreint ekki því sterk austanátt var á sunnanverðu landinu og mökkinn hefði átt að leggja til vesturs á myndinni kæmi hann á annað borð fram.

Að auki er þessi svarti blettur allt of norðarlega þegar betur er að gáð til að tengjast gossvæðinu, þótt gosmökkurinn hefði ákveðið að fara gegn vindinum.

En svo bregður við að í kvöldfréttum Sjónvarps er myndin birt aftur og með fyrri fullyrðingu að hún sýni gosmökkinn séðan úr geimnum leggja til austurs á móti vindinum.

Það hlýtur að vera lágmarkskrafa að fjölmiðlar haldi ekki áfram að birta rangar fréttir löngu eftir að þær hafa verið leiðréttar.

Er allt gert fyrir dramað?

Flug með eðlilegum hætti

Athugasemdir

[Hrólfur Þ Hraundal, 21.3.2010 kl. 21:41]

Rétt hjá þér og þakka þér fyrir.  Staðreyndir er það sem þarf en ekki bull.

[Jón (IP-tala skráð) 21.3.2010 kl. 22:28]

Ferðalangar frá Orlando sem áttu að koma í morgun bíða enn í Boston án nokkurra skýringa frá Flugleiðum. Hinar tvær vélarnar frá Seattle og Boston eru lagðar af stað fyrir dágóðri stund.

Annars er ég sammála mörgum hér, dramað er alltof mikið í kringum þetta og þessi frestun á flugi er gjörsamlega fáránleg að mínu mati.

[Axel Jóhann Hallgrímsson, 21.3.2010 kl. 23:11]

Frestunin er skiljanleg Jón, ef allur pakkinn er skoðaður. Staðreynd; eldgos er hafið, það er vitað en ekki um stærð þess eða umfang. Ekki er vitað hvort gosinu fylgi öskufall, en fastlega reiknað með því, vegna fyrri gosa. Strax er ljóst vegna vindáttar að bæði Keflavík og Reykjavík verða úr leik vegna öryggisreglna, ásamt Akureyri.  

Hefði þá verið skynsamlegt að láta vélarnar samt sem áður fara í loftið upp á von og óvon þegar líkurnar voru óhagstæðar, til þess eins að láta þær snúa við eða lenda annarstaðar? Þá var betra að bíða.

Öryggisreglur eru settar okkar vegna okkur til verndar, þótt eftir á að hyggja finnist okkur reglurnar hafa unnið gegn okkur, þegar ljóst er að aðstæður urðu ekki eins alvarlegar og reiknað var  með.