Er Davíð kominn á eindaga?

Það er vissulega virðingarvert að borgarstjórn Reykjavíkur ráðist loks í það þarfa verkefni að láta sömu skipulagslög og reglugerðir gilda um Hrafn Gunnlaugsson og aðra borgarbúa. Hrafn hefur fram að þessu spilað frítt spil og farið sínu fram á lóð sinni á Laugarnesinu.

Þar hefur hann komið sér upp einka ruslahaug og býr í honum miðjum. Nú virðist loks komið að því að þessi ruslahaugur í miðri Reykjavíkurborg  verði fjarlægður og öllu ruslinu, bæði  lifandi og dauðu verði komið fyrir þar sem það á heima.

Hrafn hefur frá því fyrir daga Matthildar verið undir verndarvæng Davíðs Oddsonar og ósnertanlegur. Það hlýtur að fjara ansi hratt undan ægivaldi Davíðs þessa dagana úr því borgarstjórnarflokkur Sjálfstæðisflokksins  í Reykjavík sér fært að leggja til atlögu við ósómann.

Segir aðgerðir borgaryfirvalda lögleysu

Athugasemdir

[Björn Birgisson, 19.4.2010 kl. 00:48]

Þungur hnífur!

[Jón Snæbjörnsson, 19.4.2010 kl. 10:17]

já veistu ég bara held þetta sé nákvæmlega svona - mál að linni svona fíflagangi

[Axel Jóhann Hallgrímsson, 19.4.2010 kl. 10:24]

Takk fyrir innlitið, félagar.