Nautin skoruðu stig.

Nautaat hefur engan annan tilgang en vera skemmtiatriði. Sem slíkt er það eitthvað það sóðalegasta og  ógeðslegasta  sem boðið er uppá á byggðu bóli.

Ég vildi geta sagt að ég sé leiður vegna þessa „slyss“, en svo undarlega sem það hljómar þá er ég það ekki.  Mér er fyrirmunað að finna til með þeim sem stunda það að drepa dýr, eingöngu  sjálfum sér og öðrum til skemmtunar.

Því miður, liggur mér við að segja, skora nautin of sjaldan.

 

Nautabani í lífshættu

Athugasemdir

[Elias h Gudmundsson, 25.4.2010 kl. 23:19]

Frábær mynd.

Það ætti nú að banna þennan viðbjóð. En hvernig fólk hefur eiginlega gaman af svona viðbjóði. Það hlýtur að vera stórskrýtið.

[Axel Jóhann Hallgrímsson, 25.4.2010 kl. 23:50]

Ég tel víst að stutt sé í að þetta verði lagt af.

[Ingolf (IP-tala skráð) 26.4.2010 kl. 09:28]

Vonandi drebst han, þá hvelur hann ekki fleirri varnalaus dýr. Já dýravermdunarsamtökin standa ekki undir nafni, ættu að skammast sín.

[Anonymus (IP-tala skráð) 26.4.2010 kl. 09:39]

Nautaöt munu seint leggjast af - hluti af menningararf MARGRA þjóða.

Fólkið sem horfir á þetta er alveg eins fólk og horfir á íþróttir eða fara á blindafyllerí til þess eins að skemmta sér. Mér finnst forskammanlegt að dæma fólkið sem horfir á þetta sem stórskrýtið.

Menningartengdir hlutir, eins og nautaöt geta verið jafn "eðlileg" og hið kalda viðmót sem hin "venjulegi" Íslendingur er vanur að temja sig í mannlegum samskiptum.

Ég elska að fara á nautaöt og viðurkenni að mér finnst að nautið ætti ekki að vera pínt né drepið, bara einfaldlega að það ætti að leika sér með nautið sem fengi svo að sleppa óhult aftur út í haga...en eins og ég sagði áður - þessi siður mun seint leggjast af.

[Axel Jóhann Hallgrímsson, 26.4.2010 kl. 10:29]

Við skulum nú ekki óska veslingnum dauða Ingolf, það setur okkur á sömu hillu og nautabanann, þar vil ég ekki vera.

[Axel Jóhann Hallgrímsson, 26.4.2010 kl. 10:32]

Ekki undrar mig Anonymus að þú kjósir að koma ekki fram undir nafni ef þú elskar þennan viðbjóð.

[Guðrún (IP-tala skráð) 26.4.2010 kl. 14:45]

Axel, hjartanlega sammála!! Og ánægð með svar þitt til "anonymous". Þetta er viðbjóðslegt og engin íþrótt. Menning my ass!!

[Ingibjörg Axelma Axelsdóttir, 26.4.2010 kl. 15:06]

Nauta at er aðeins þjóðaríþrótt einnar þjóðar, og það er Spánverja, þótt það sé stundað hjá öðrum þjóðum er það ekki í eins stórum stíl og telst því ekki menningararfur sem slíkur. Þess má einnig geta, að þótt þetta sé stór hluti "menningar" arfs þeirra, ef svo má kalla, þá eru fleiri á móti þessari "íþrótt" á hverju ári.

Mér þykir það einkar merkilegt, að einhver manneskja skuli taka nauta at og bera það saman við blindafyllerí og íþróttaáhorf og setja það undir einn og sama hattinn.

Ég fer nú ekki oft út að skemmta mér, en þau skipti sem það gerast geri ég það með góðri samvisku, því ég veit fyrir víst að ég er ekki að kvelja og pína aðra skepnu mér til skemmtunar. 

Einnig þykir mér það góð afþreying að horfa á handbolta þegar það er leikur í sjónvarpinu, en ég hef ekki séð mikið af húsdýrum á vellinum. 

Og ekki vissi ég að "hið kalda viðmót" hins "venjulega" íslendings verði mörgum að bana og athlægi, og þótt að við íslendingar værum gæddir þeim guðakröftum, þá teldist það seint menningararfur.

Þú elskar að fara á nautaöt já, en þykir miður að það sé pínt svona. En á sama tíma ertu að verja þessa iðju, sem einmitt gengur út á það að kvelja og pína dýrið. Og þess vegna þykir mér þú, Anonymous, lifa í einhverri draumaveröld þar sem ekki stendur steinn yfir steini vegna veruleikafirru, að nautin fari "óhult aftur út í haga" eftir svona keyrslu.

Ef þetta væri þinn vinnudagur, myndir þú ekki vera svo óhultur og óskaddaður þegar öllu væri á botninn hvolft.

Svar þitt sýnir bara blindu þína.

[Axel Jóhann Hallgrímsson, 26.4.2010 kl. 16:34]

Takk fyrir þitt innlegg Guðrún

[Axel Jóhann Hallgrímsson, 26.4.2010 kl. 16:37]

Þakk fyrir þetta hressilega skot Inga.

[Anonymous (IP-tala skráð) 27.4.2010 kl. 22:36]

Ég geng undir "Anonymous" út af því að ég vissi það að ef ég færi að "verja" þessa iðju, sem ég er í raun ekki ef einhver virkilega las innleggið mitt, að það yrði ráðist á mig (og nafn mitt er nógu sjaldgæft til þess að hægt væri að finna mig). Ég er bara að verja rétt fólks til þess að horfa á slíka viðburði, þ.e. að það sé ekki dæmt fyrirfram sem stórskrýtið út af því að það fari á nautaöt. Bið fólk að lesa áður en það ræðst á einhvern, sem og vera ekki að notfæra sér internetið til niðurrökkunar. Skoðun mín er sú að þetta muni ekki leggjast niður.

Þegar ég bar saman blindafylleríið við þetta var ég (er útlendingur) að bera saman fyrstu viðbrögð mín við "drykkjumenningu" Íslendinga. Þetta var að mínu mati jafn mikill viðbjóður og hvert annað nautaat. Ég hef sætt mig við þetta en þetta er enn þann dag í dag frekar ógeðslegt fyrir mig að sjá allt frá ungmenni til eldra fólk á skallanum niðri bæ, ælandi og brjótandi glös.

Hvað um það, þið hafið líka ykkar skoðun og hún er gild. Ég var bara að koma á framfæri öðrum skoðunum til þess að þetta yrði ekki bara svona "já allir sammála bloggfærsla".

Kveðja,

Anonymus