Samfylkingin skýtur sig í fótinn og miðar á hinn.

Ég hef ekki verið því fylgjandi að mótmæli séu stunduð við heimil fólks, þótt viðkomandi teljist hafa eitthvað til saka unnið.

En vafasamt verður að telja að þögul mótmælastaða út á götu og án alls áreitis geti talist röskun á friðhelgi heimilisins.

Þessi ályktun framkvæmdastjórnar Samfylkingarinnar er, þótt hún ætti fullan rétt á sér, afskaplega undarleg svo ekki sé dýpra í árinni tekið.  Stundum má satt kyrrt liggja og það hefur sjaldan átt betur við en í þessu tilfelli. Ekkert er verra í knappri stöðu en reyna illan málstað að verja.

Það er ekki trúverðugt að þegar framkvæmdastjórn Samfylkingarinnar  segist í framtíðinni ætla að fylgja eftir reglum, þegar ekkert á að gera í málum þeirra sem í fortíð þverbrutu þau sömu prinsipp og ætla að láta sem ekkert sé.

Er ekki komin tími til að stjórnmálaflokkarnir hver og einn taki sig saman í andlitinu og geri sjálfir eins og þeir ætla öðrum að gera?

 

Friðhelgi heimilis og fjölskyldu rofin

Athugasemdir

[Ingibjörg Axelma Axelsdóttir, 27.4.2010 kl. 17:38]

Það heyrðist ekki orð frá þeim þegar fólk mótmælti fyrir utan hjá Þorgerði Katrínu og hennar fjölskyldu. En þegar málin þróast svona þá er úr þessu hávaðamál.

Og fyrir það fá Samfylkingarmenn mínus í kladdann frá mér.

[maggi (IP-tala skráð) 27.4.2010 kl. 17:52]

Axel

þarna hittir þú naglan á höfuðið

Er ekki komin tími til að stjórnmálaflokkarnir hver og einn taki sig saman í andlitinu og geri sjálfir eins og þeir ætla öðrum að gera?

AKKÚRAT

[Axel Jóhann Hallgrímsson, 27.4.2010 kl. 18:30]

Inga, mér hefur þótt nokkuð skorta á að þeir sem vaða um bloggið á skítugum skónum og gagnrýna andstæðingana, og draga ekki af sér, sjái bjálkann í eigin flokki.

[Axel Jóhann Hallgrímsson, 27.4.2010 kl. 18:31]

Takk fyrir innlitið maggi og undirtektir.

[Kristján Hilmarsson, 27.4.2010 kl. 18:35]

Það er eitt enn í þessum "heima hjá" mótmælum, og það er að þau geta gjarnan snúist í andhverfu sína og vakið almenna samúð margra á þeim sem heimsóttur er, hefur líklega gerst nú þegar, svo nei ! notið Austurvöll áfram.

[Axel Jóhann Hallgrímsson, 27.4.2010 kl. 19:02]

Þetta er laukrétt Kristján

[Ólafur Ingi Hrólfsson, 28.4.2010 kl. 07:37]

Tek undir orð Ingibjargar Axelmu - EN

Hvernig sem styrkjamálum hennar - eða annara er háttað - gefur það ofbeldisliðinu EKKI heimild til þess að fara að heimilum fólks - friðhelgi heimilisins er nákvæmlega það friðHELGI.

SAMA GILDIR UM ALLT ANNAÐ FÓLK - HVER SEM STAÐA ÞESS ER ÞÁ MÁ ALDREI BRJÓTA /RJÚFA FRIÐHELGI HEIMILISINS.

[Axel Jóhann Hallgrímsson, 28.4.2010 kl. 09:19]

Ég er alveg sammála þér Ólafur hvað varðar friðhelgi heimilisins og menn eigi að ekki að mótmæla við heimili fólks. - EN hvernig er þögul mótmælastaða á götunni eða handan hennar rof á friðhelgi heimilisins í skilningi laga?