Verður Brown saknað?

Veik og ófullburða ríkisstjórn David Cameron´s hefur sinn feril með bullandi óánægju þingmanna beggja flokkana sem að henni standa.

Þessi stjórn á ekki innistæðu til verka sem ekki eru til vinsælda fallin. Þar er Icesave ekki undanskilið.  Það er hætt við því að það verði síst auðveldara fyrir Íslendinga að fá viðunandi lausn á Icesave gegn Bretum eftir stjórnarskiptin.

Það skyldi þá aldrei fara svo að þeir sem hvað harðast hafa úthúðað Brown á blogginu og óskað honum út í hafsauga, fari brátt að hugsa til hans með söknuði.

   

Óánægja innan Íhaldsflokksins með stjórnarsamstarf

Athugasemdir

[Polli, 14.5.2010 kl. 11:18]

Góð pæling, alla vega eru breskir íhaldsmenn þegar farnir að ræða skattahækkanir á sitt fólk og því ekki líklegir til að sýna neina linkind gagnvart okkur.

[Axel Jóhann Hallgrímsson, 14.5.2010 kl. 11:33]

Ég held að þessi stjórn verði ekki langlíf.

[Finnur Bárðarson, 14.5.2010 kl. 15:16]

Þeir sem halda að Cameron hafi eitthvað dálæti á skerinu í norðri fara villur vegar. Hann mun ekki gefa neitt eftir til að afla fjármuna í breska kassann.

[Polli, 14.5.2010 kl. 15:22]

Síðu Hildar Helgu hefur verið lokað.

[Finnur Bárðarson, 14.5.2010 kl. 15:32]

Ha, Polli ?

[Finnur Bárðarson, 14.5.2010 kl. 16:16]

Já það er búið að loka á Hildi. Hver andskotinn er í gangi ?

[Axel Jóhann Hallgrímsson, 14.5.2010 kl. 16:18]

Það er hverju orði sannara Finnur, Cameron er í enn þrengri stöðu en Brown til eftirgjafar gagnvart Íslendingum.

Já það er tilfellið að síðunni hennar Hildar virðist hafa verið lokað.

[Polli, 14.5.2010 kl. 22:35]

Um allt annað. 

ESB umræðan hérlendis er stórundarleg. Ríkisstjórnin ætti að nota tækifærið í kosningunum 29. mai og gera stærstu skoðanakönnun sem gerð hefur verið hérlendis. Á sér seðli má leggja þessa valkosti fyrir kjósendur:

(   ) Ísland á að standa við ESB umsóknina og hefja aðildarviðræður

(   ) Ísland á að falla frá ESB umsókninni

(   ) Ísland á að fresta viðræðum um aðild að ESB um óákveðinn tíma

Ef þú vilt nota þetta væri það bara fínt. Margir lesa bloggið þitt en fáir sjá mitt þar sem það birtist á engum yfirlitum, en það er reyndar mitt val að sinni. Segjum bara að ég sé feiminn maður að æfa mig!

Hentu þessu bara í ruslið ef þér líst ekkert á þetta.

Kveðja, Polli

[Axel Jóhann Hallgrímsson, 14.5.2010 kl. 23:43]

Ég hef enga ástæðu til að ætla að svona könnun yrði gerð. Alþingi er búið að samþykkja að fara í aðildarviðræðurnar, það ferli er komið í gang og þjóðin ákveður svo endanlega af eða á þegar þar að kemur.

Það er ekki hægt að stjórna landinu ef stöðugt á að vara að slá úr eða í eftir því hvernig vindar blása.