Fé „millifært“ á Englandi

Lögreglan segir verknaðinn lýsandi dæmi um fagmannlega fégræðgi.

Er þarna komin skýringin á því af hverju Sigurður Einarsson mátti ekki vera að því að skreppa heim?

Hreiðar, kollegi Sigurðar, hefur auðvitað pottþétta fjarvistarsönnun.

  

Stal 271 kind

Athugasemdir

[Árni Gunnarsson, 16.5.2010 kl. 22:48]

Þarna getum við Íslendingar komið til hjálpar. Engin þjóð býr að jafn langri reynslu og við í rannsóknum á sauðaþjófnaði gegnum aldirnar.

Nú vill svo vel til að einn skeleggasti sýslumaður seinni alda, Björn Blöndal og ættfaðir Blöndalanna þjóð- eða öllu heldur heimsþekktu á afkomanda sem sérhæfði sig í umsýslu "fjár án hirðis."

Í mínum huga er einboðið að við leysum Icesave deiluna grábölvuðu í tengslum við lausn þessa vanda engilsaxneskra vina okkar og sendum þeim Pétur H. Blöndal til aðstoðar jafnt og öskufall frá Eyjafjallajökli leyfir.

Mér leikur grunur á að þetta stolna fé velkist nú um án hirðis sem mark er á takandi. 

[Axel Jóhann Hallgrímsson, 17.5.2010 kl. 09:31]

Það var lán í óláni að gosið kom ekki tveim árum fyrr. Þá hefðu útrásarkapparnir vafalítið keypt fjallið og stýrt öskufallinu til að fela slóð sína.