Hvað er list?

Hvað er það sem gerir list að list?

Fer listin eftir því hver skapar hana?

Ef ég hefði sullað saman þessari klessu, væri hún þá talin ómetanlegt listaverk og tug milljónavirði eða er listlegt gildi hennar bundið við að það var Picasso sem sullaði á strigann?

  

 

Meistaraverkum stolið í París

Athugasemdir

[Jón Pétur Líndal, 20.5.2010 kl. 23:36]

Er það ekki bara list sem gott verð fæst fyrir eða er þess virði að stela? Mér sýnist það á þessu ráni og fjölmörgum öðrum. List er mæld í peningum. Eiga Íslendingar einhverja góða listamenn? Enga sem eru svo góðir að það sé þess virði að stela neinu eftir þá. Við eigum aðallega "listamenn" sem eru til þess fallnir að auka á fjárlagahallann.

[Axel Jóhann Hallgrímsson, 21.5.2010 kl. 05:08]

Í mínum huga er list eitthvað sem fangar og gleður augað. Eitthvað sem hlýjar manni innvortis þegar á það er horft.

Meðfylgjandi mynd eftir Picasso, raunar flest eftir þann ágæta mann og marga aðra "fræga" litasullara eru langt frá því að framkvæma þannig líðan. 

Ímynduð verðmæti geta aldrei breytt hughrifum verksins, hversu mikil sem þau verða.

[Jón Pétur Líndal, 21.5.2010 kl. 13:27]

Sæll aftur. Það er góð skilgreining á list sem þú setur fram, að listin sé eitthvað sem nær athygli manns og eykur gleði.

En m.v. margt það sem menn kalla list eru örugglega fleiri skilgreiningar í gangi. Það er til mikið af myndlist, tónlist og alls konar óskiljanlegri list sem nær ekki að hafa þessi áhrif á mann sem þú tiltekur.