Óstjórntækur flokkur.

VG er því miður að sanna það betur og betur að þeir eru gersamlega óstjórntækur flokkur og feta þar dyggilega í slóð Alþýðubandalagsins gamla sem var lengst af fullkomlega ósamstarfshæft.

 

Í stjórnarsáttmála Samfylkingar og VG stendur skýrum stöfum að ráðuneytum skuli fækkað úr 12 í 9 fyrir mitt kjörtímabilið.  Samþykktu  Atli Gíslason, Ásmundur Daðason og Jón Bjarnason,  ásamt öðrum ónefndum stjórnarandstæðingum innan VG, stjórnarsáttmálann einungis upp á grín, staðráðnir að hafa hann að engu þegar þeim best hentaði?

 

Því miður virðist það vera raunin, það sannar nánast óslitin röð svona dæmalausra uppákoma. Sem rök fyrir andstöðu sinni gegn þessu ákvæði  stjórnarsáttmálans segir Atli að framkvæmd þess muni veikja og grafa undan baráttu VG gegn öðrum liðum stjórnarsáttmálans! 

 

Hafið þið heyrt það betra?

 

VG verða að ákveða í eitt skipti fyrir öll hvort þeir ætla að standa við stjórnarsáttmálann, eða ekki.  Hafi þeir ekki áhuga á því, eiga þeir að sjá sóma sinn í því að slíta stjórnarsamstarfinu

 

Svona vinnubrögð eru ekki boðleg íslenskri þjóð. 

 

Eru andvígir frumvarpi Jóhönnu

Athugasemdir

[Finnur Bárðarson, 16.6.2010 kl. 15:43]

Það þarf að fjarlægja kynjagreininn, Atla og Jón

[Axel Jóhann Hallgrímsson, 16.6.2010 kl. 16:11]

Menn skemmta bara skrattanum með svona áframhaldi.

[Þórarinn Baldursson, 16.6.2010 kl. 19:24]

Þeir vilja sprengja ríkisstjórnina! Og það er gott hjá þeim,ég er ánægður með það.

[Axel Jóhann Hallgrímsson, 16.6.2010 kl. 20:06]

Hver er óska stjórnin Þórarinn?

[Ólafur Ingi Hrólfsson, 17.6.2010 kl. 07:52]

Hvaða sómi myndi það vera?

[Axel Jóhann Hallgrímsson, 17.6.2010 kl. 08:13]

Það er erfitt að útskýra það Ólafur, fyrir þeim sem ekki þekkja hugtakið.

[Ólafur Ingi Hrólfsson, 17.6.2010 kl. 09:36]

Hugtakið er þekkt - tengingin ekki