Velkominn til Íslands Hugo Chavez

Ég rétt eins og flestir Íslendingar er ekki par hrifinn af því að útlendingar eignist auðlindir landsins. Vg fékk, eftir langa meðgöngu, skyndilega þá hugljómun að kaup Magma á HS sé ólögleg.  Gott væri ef það reyndist rétt.

En lögfræðingurinn Atli Gíslason er ekki sannfærður um að samningurinn sé ólöglegur. Það segir meira en mörg orð þegar lögfræðingur Vg stendur ekki lengur stífur á þeirri skilgreiningu og telur að samningurinn geti meira að segja verið löglegur.  

Er Atli þá af baki dottinn, nei ekki aldeilis, hann er með lausnina á því litla vandamáli. Gefum bara skít í lögin og þjóðnýtum draslið, segir Atli.  „Hugo Chavez“  er mættur til leiks, einmitt það sem vantaði í þetta bull allt saman.

 

En það kæmi mér ekki á óvart þó jafnvel  hörðustu frjálshyggjupostular leggi trúarbrögðin til hliðar um stundarsakir og taki hugmynd Atla fagnandi og gerist jafnvel manna ákafastir að ryðja henni braut.

 

Vill taka hlut Magma eignarnámi

Athugasemdir

[hilmar jónsson, 26.7.2010 kl. 13:04]

Er ekki allt til vinnandi til þess að halda orkuauðlindunum í eigu þjóðarinnar.

Hvern hefði yfirleitt grunað fyrir örfáum árum, að sú staða ætti eftir að koma upp að við myndum afsala okkur orkuauðlindum okkar ?

Þetta er svo klikkað, að manni langar að öskra.

[Axel Jóhann Hallgrímsson, 26.7.2010 kl. 13:09]

Ég er sammála þér Hilmar, manni langar til að öskra. En þjóðnýting hefur í okkar heimshluta verið skilgreind sem ekki par fín aðgerð, jafnvel glæpur.