Líkar þér þetta?

Neðanmáls við fréttir á mbl.is er linkur sem heitir „Líkar þetta“ sem hægt er að smella á til þess væntanlega að láta í ljós ánægju sína með fréttina.

Ég átta mig ekki alveg á tilganginum með þessum link, því það getur verið æði misjafnt hvað mönnum líkar við, í viðkomandi frétt.

Þegar þetta er ritað hafa 24 sagst líka við þessa frétt "Dýrkeypt ökuferð". Hvað fellur þessum ánægjuhrólfum svona vel í geð?

Er það, að unglingur nýkomin með próf hafi ekið á 139 km hraða?

Er það, að drengurinn var nappaður og þarf að greiða sekt og taka prófið aftur?

Er það, að honum mistókst að drepa einhvern?

Þessum link mætti að ósekju sleppa því hann gefur skilaboð sem í flestum tilvikum er útilokað að túlka á vitrænan hátt.

Dýrkeypt ökuferð

Athugasemdir

[Nafnlaus (IP-tala skráð) 2.8.2010 kl. 18:22]

Ég held að fólk átti sig ekki á því að það þarf ekki að smella á "líkar þetta" til að deila fréttinni á Facebook. Ofarlega hægra megin við fréttina er hægt að smella á "deila" og þar eru ýmsir valmöguleikar. Skil ekki af hverju þessi linkur "líkar þetta" þarf að vera á síðum mbl.is.

[Hannes, 2.8.2010 kl. 19:43]

Ef einhver vill deila Þessu á Facebook þá er það skráð sem að einvherjum líki þetta. Gott væri ef það væri líka hægt að ýta á að manni líki þetta ekki.

[Axel Jóhann Hallgrímsson, 2.8.2010 kl. 21:54]

Hannes, það er svo margt sem hægt er að lesa út úr hverri frétt, bæði jákvætt og neikvætt að útilokað er fyrir aðra að vita hvað gladdi þann sem haskaði við.

[Morten Lange, 2.8.2010 kl. 23:51]

Kannski ætti bara að endurnefna þessu í annaðhvort

• Áhugavert   / mátu sem áhugaverða frétt
• Benda fésbókarvinum á / bentu fésbókarvinum á 

Held samt í þessu tilviki að lang flestir vilja að fleiri lesa fréttina, og séu þannig óbeint að  taka undir með blaðamanni og löggu ofl, sem  vilja benda mönnum á að það geti verið dýrkeypt að aka "of hratt", og sérstaklega fyrir unga ökumenn, þótt engin slys verða.

[Gunnar (IP-tala skráð) 3.8.2010 kl. 08:40]

Mér líkar mjög vel að þessi ungi maður hafi verið tekinn úr umferðinni og öryggi mitt þar með stórbætt.

Og já, mér líkar líka að honum hafi mistekist að verða einhverjum að bana.

'Líkar þetta' takkinn á oft verr við en í þessu tilfelli.

[Axel Jóhann Hallgrímsson, 3.8.2010 kl. 13:29]

Já einmitt Gunnar, það fer eftir því hvað og hvernig menn lesa út úr fréttum og hvernig þeir nálgast viðfangsefnið. En það getur enginn vitað nema hvað þá sjálfa varðar hvernig það er gert.

Já það er satt hjá þér að oft hefur "Líkar þetta" átt verr við en í þessu tilfelli, það er lóðið.