Fortíðarlausi flokkurinn

Synd Gylfa Magnússonar virðist helst liggja í því að hafa ekki verið nægjanlega ýtarlegur í umræddu svari sínu á Alþingi. Og hvað gerist, jú þeir rísa upp á afturlappirnar sem aldrei geta svarað einu eða neinu án útúrsnúnings og rangfærslna. 

 

Núna kemur formaður Fortíðarlausa flokksins og þenur sig, honum væri nær litla Noregsfaranum að byrja á því að gera upp þau mál, sem upp á hans flokk stendur og þá gripdeildargutta sem störfuðu í skjóli Fortíðarlausa flokksins og gera enn.

    

Lét Gylfi Steingrím vita?

Athugasemdir

[Kristinn (IP-tala skráð) 14.8.2010 kl. 20:15]

Af hverju þurfa menn alltaf að ráðast á manninn en forðast að svara efnislega. Hvað segirðu Axel Jóhann um það sem Sigmundur Davíð er að segja? Geturðu svarað því efnislega? Eða eru menn svo gjörsamlega fastir með hausinn uppi í sínu pólitíska rassgati að þeir eru ófærir um að komast upp úr pólitískum skotgröfum. Ég tek það fram að ég er ekki framsóknarmaður.

[Axel Óli (IP-tala skráð) 14.8.2010 kl. 21:04]

Ekki er ég heldur flokksbundinn og aldrei hef ég kosið framsóknarflokkinn. Samt get ég ekki annað en tekið undir með þér Kristinn að það er e-r mesta meinsemd sem fylgir umræðum um stjórnmál að menn einsog nafni minn virðast hugsa meira um þau mistök sem gerð hafa verið í stað þess að veita athygli sinni að þeim mistökum sem nú er verið að gera. Ég fæ það stundum á tilfinninguna að sumum finnist eitt rangt gera annað rangt rétt....

[Árni Gunnarsson, 14.8.2010 kl. 22:13]

Kannski er það nú svo góðir hálsar að sumir þeirra sem hæst gala um spillingu stjórnmálamanna í dag sáu ekkert athugavert við spillingu sinna eigin forystumanna sem var þó ærin!

Og nú fáum við líklega að fá dóma Hæstaréttar um stjórnsýslubrot þeirra ráðherra sem nú sitja.

Og þá hljóta þeir að bregðast við á sama hátt og forverar þeirra úr stjórnarandstöðu:

"Ég hef lesið þennan dóm en ég er bara á annari skoðun. Ég mun hinsvegar að sjálfsögðu fara vel yfir dóminn og draga af honum lærdóm!"

Hversu margir sjallar ærðust við þessi viðbrögð og settust við tölvuborðið?

[Jón (IP-tala skráð) 14.8.2010 kl. 22:49]

Axel : Þetta er klassísk smjörklípuaðferð sem þú notar í anda Davíðs.  Lítið málefnalegt hérna.

Árni: Rispaða platan hjá þér enn og aftur. 

Þessi ríkisstjórn er með skítin langt uppfyrir bak og það eina sem þú talar um er sjallar í gamla daga.  Og btw er Sigmundur Davíð allt í einu orðinn sjalli?

 "Hefði átt að koma í veg fyrir að ríkisfé væri varið til að kaupa ólögmæt lán 

Hann telur að efnahags- og viðskiptaráðherra þurfi að svara því hvers vegna ekki var tekið meira tillit til óvissunnar við stofnun nýju bankana.

„Þegar ríkið lagði bönkunum til hundruð milljarða í eigið fé þá hefðu menn átt að gera ráðstafnir þannig að ekki væri verið að setja ríkispeninga í að kaupa lán sem gætu reynst ólögmæt."

Hvað segið þið við þessu Samspillingarmenn?

[Axel Jóhann Hallgrímsson, 15.8.2010 kl. 10:57]

Takk fyrir innlitið Árni og þitt innlegg.

[Axel Jóhann Hallgrímsson, 15.8.2010 kl. 11:00]

Kristinn, Axel og Jón; ekki er að sjá annað en Gylfi Magnússon hafi svarað Birki Jóni fullkomlega eftir hans spurningu og skilningi Birkis sjálfs á þeim hugtökum sem notuð voru.

 

Það virðist augljóst núna að einhver mismunur hafi verið á orðalagi í spurningu Ragnheiðar Ríkharðsdóttur og svari Gylfa, en hann svaraði henni efnislega á sama veg og spurningu Birkis og ekki var gerð athugasemd á þeim tíma í þinginu, hvorki af Ragnheiði eða öðrum, að þarna hefðu hugtök og skilningur á þeim farið á skjön.

 Þar til annað kemur í ljós hef ég enga ástæðu til að draga í efa umsagnir þeirra sem gleggst þekkja Gylfa og bera heilindum hans vitni.