7 - 9 - 13

Já, var virkilega í gangi flugsýning þar sem eldingum laust niður hægri, vinstri? Því ásamt þessum 13-13 dreng eru tveir aðrir sagðir hafa orðið fyrir eldingu á flugsýningunni og þeir rétt eins og drengurinn nánast sloppið við áverka!

Öllum fregnum um að fólk hafi orðið fyrir eldingu og ekki bara lifað, heldur sloppið lítið eða ekki slasað ber að taka með miklum fyrirvara. 

Hún er útbreidd og fjandanum lífseigari þessi undarlega hjátrú varðandi töluna þrettán. 13 er talan sem er á milli 12 og 14, annað er ekki merkilegt við hana.

Það hefur greinilega ekki verið hægt að tengja töluna 13 við þessa tvo aðra úr því það var ekki gert. Og hvað með alla þá sem ekki urðu fyrir „eldingu“  á þessari flugsýningu, hvernig er talan 13 tengd við þeirra „óheppni“  svo ekki sé talað um öll þau óhöpp og slys sem varða alla daga þar sem talan þrettán kemur hvergi við sögu.

 

Varð fyrir eldingu klukkan 13:13 föstudaginn 13.

Athugasemdir

[Kristján Sigurðsso (IP-tala skráð) 14.8.2010 kl. 15:48]

Meðlimir flugsveitar Rauðu örvanna eru ofurhugaðir og skeyta hvorki um stýranlega né óstýranlega áhættu, hélt reyndar að stýranlega áhættan væri þeirra sérsvið og lítill áhugi á annarskonar áhættu hjá þeim.

Skýringin á skaðleysi eldinganna gæti legið í miklum niðurskurði Breta að undanförnu en hann virðist hafa bitnað ótæpilega á eldingunum.

Önnur skýring gæti verið að drengurinn hafi aðeins orðið fyrir stöðurafmagni eða smá útleiðslu frá rafbúnaði og tímasetningu þess svo hnikað parslega með hliðsjón af þörfum grípandi fyrirsagnar. Sé svo er þessi frétt ágætis dæmi um alltof stóran hluta frétta sem eru marklaust þrugl sem hefur engan tilgang nema kannski þann að gera viðkomandi miðil marklausan. Á það jafnt við um þá miðla sem apa blint eftir fínu erlendu miðlunum.

[Ybbar gogg (IP-tala skráð) 14.8.2010 kl. 16:18]

Slapp óskrámaður frá þessum tímapunkti. Sennilega vegna þess að ég gleymdi að líta á klukkuna...!

"Já, var virkilega í gangi flugsýning þar sem eldingum laust niður hægri, vinstri?"

Þetta var perla!

[Axel Jóhann Hallgrímsson, 14.8.2010 kl. 16:34]

Kristján, líklegasta skýringin að þetta hafi verið stöðurafmagn.

[Axel Jóhann Hallgrímsson, 14.8.2010 kl. 16:37]

Ybbar gogg, sú "staðreynd" að þrír hafi  sloppið nær óskaddaðir eftir jafnmargar "eldingar" á sama tíma bendir nú frekar til þess að nær væri að tengja 13. við ofurlán en óheppni og slys.