Sendum Kristján Gunnarsson í endurmenntun, gerum hann atvinnulausan.

Ég held að Kristján Gunnarsson formaður Starfsgreinasambandsins hafi aldrei áður sannað á jafn skýran hátt hve fjarri því fari að hann sé á sömu blaðsíðu og umbjóðendur hans, ef þá í sömu bók yfir höfuð. 

Auðvitað vilja allir sjá meira í launaumslögunum sínum, ekki spurning um það, en menn verða að þekkja sinn vitjunartíma. Atvinnureksturinn í landinu hefur sjaldan eða aldrei, í seinni tíð hið minnsta,  verið jafn illa í stakk búinn til að taka á sig aukin útgjöld. Lítið þarf að rugga bátnum til að valda slysi.

Ef umbjóðendur Kristjáns Gunnarssonar tækju þá ákvörðun núna, sem þeir ættu að hafa gert fyrir löngu, að hann væri búinn að vera of lengi á of góðu og afkastaletjandi kaupi og sendu hann heim, þá missti Kristján sína einu og hálfu á mánuði.  Kristján stigi þá tilneyddur úr fílabeinsturni sínum og niður á gólfið og færi  á 130 þúsund króna atvinnuleysisbætur ásamt 16000 fyrrum umbjóðenda hans.

Þá yrði Kristján sennilega í fyrsta sinn um langa hríð á sömu blaðsíðu og umbjóðendur hans. Við þessar nýju aðstæður hefði  Kristján alla burði til að fá þá hugljómun,  launahækkun upp allan skallann væri hreint ekki brýnasta aðgerðin fyrir miðnætti í kjara- og atvinnumálum.

Fólk vill sjá launin hækka

Athugasemdir

[Elías Hansson, 7.9.2010 kl. 22:59]

Er það ekki félagsmanna að setja vanhæft lið af?

Sitjum við ekki alltaf heima og grenjum yfir okkar kjörum í stað þess að láta til skarar skríða gegn vanhæfri verkalýðsforystu?

Getum við ekki kennt okkur sjálfum um?

[Axel Jóhann Hallgrímsson, 7.9.2010 kl. 23:23]

Nákvæmlega Elías.

[Kristinn (IP-tala skráð) 8.9.2010 kl. 08:28]

Þú segir:

atvinnureksturinn í landinu hefur sjaldan eða aldrei, í seinni tíð hið minnsta,  verið jafn illa í stakk búinn til að taka á sig aukin útgjöld.

Heimilin eru það líka. Eina kerfisleiðréttingin verður með hækkun launa. Þetta er því ekki spurning um raunhækkun launa heldur kerfisleiðréttingu.

[Axel Jóhann Hallgrímsson, 8.9.2010 kl. 08:52]

Hagur heimilana eykst ekki með því að fjölga gjaldþrota fyrirtækjum.