Vigdís á leiti

Mikið afskaplega er sorglegt þegar þingmenn tjá sig opinberlega með þessum hætti, sem Vigdís Hauksdóttir gerir á bloggsíðu sinni. Það er ljóst að Vigdís er löngu búin að brjóta og týna þeirri skynsemi sem henni var gefið og í þessari örgrein tekst henni að koma lágkúrunni í efstu hæðir.

Vigdís Hauksdóttir fer klárlega á spjöld sögunnar sem konan sem blaðraði Framsóknarflokkinn endanlega út af borði Íslenskra stjórnmála.

Margir munu telja það þakkavert og innborgun á Fálkann.

 

 

Þráinn hvíslari Össurar

Athugasemdir

[Björn Birgisson, 8.9.2010 kl. 20:28]

Vigdís Hauksdóttir er greinilega verðandi fyrrverandi þingmaður. Ekki háttvirtur.

[Óskar Helgi Helgason (IP-tala skráð) 8.9.2010 kl. 20:29]

Heill og sæll; Axel Jóhann, æfinlega !

Í fljótu bragði; sýnist mér, sem þú sért lítt lesinn, í ágætum bókmenntum Jóns Trausta, heitins.

Gróa bjó; að Leiti - svo ég leiðrétti þig nú aðeins, Skagstrendingur góður.

En; svo vel, þekki ég til Stóru- Reykja fjölskyldunnar, austur í Hraun gerðishreppi Axel minn, að fullvis mun ég um, að Vigdís Hauksdóttir (Gíslasonar Jónssonar Hreppsstjóra), muni koma standandi niður, úr viðureignum sínum, við hinn fyrirlitlega Össur Skarphéðinsson, ágæti drengur.

Með beztu kveðjum; vestur yfir fjallgarð /

Óskar Helgi   

[ÞJÓÐARHEIÐUR - SAMTÖK GEGN ICESAVE, 8.9.2010 kl. 20:38]

Vigdís á leyti? Hvað er það?

Að "tína sinni skynsemi" – hvað er það?

Ætlar þú að kenna þessari snargáfuðu frænku minni skynsemi?!!

[Jón Valur Jensson, 8.9.2010 kl. 20:39]

Úpps! – þetta átti að vera í mínu nafni.

[Axel Jóhann Hallgrímsson, 8.9.2010 kl. 20:55]

Því gæti ég sem best trúað Björn.

[Axel Jóhann Hallgrímsson, 8.9.2010 kl. 20:59]

Þakka þér leiðréttinguna Óskar, auðvitað er þetta svona.

Ekkert þekki ég til fjölskyldu Vigdísar, en stundum bregst uppskeran, þrátt fyrir gott útsæði.

[Óskar Helgi Helgason (IP-tala skráð) 8.9.2010 kl. 21:06]

Komið þið sælir; að nýju !

Axel Jóhann !

Ekkert að þakka. Þó svo; ég sé farinn að ryðga, í bókum 19. aldar, sem fyrrihluta þeirrar 20., man ég samt ýmislegt enn, svo sem.

Nei; ég get fullvissað þig um, að þá,, Vigdís hefir náð vopnum sínum, mun henni takast, að yfirstíga klækja Refinn skeggjaða, með fullri sæmd.

Með; sízt lakari kveðjum - en öðrum áður /

Óskar Helgi

[Björn Birgisson, 8.9.2010 kl. 21:09]

Jón Valur, það er illa hægt að kenna skynsemi, þar sem hún er oftast meðfædd, rétt eins og kynhneigðirnar, eins og þú veist manna best. Sé þessi ágæta frænka þín yfirhlaðin af skynsemi, ætti hún kannski að hugsa áður en hún skrifar og talar og þar með nýta sér vöggugjöfina sína, sem hún hlaut væntanlega af Guðs náð, en er nú að snúa baki við.

Innlit þér hér var hrokafullt, kannski er öll ættin að tapa sér?

[Axel Jóhann Hallgrímsson, 8.9.2010 kl. 21:26]

Það var eins gott að þú kíktir inn aftur Björn og bentir á innlegg Jóns Vals, annars hefði það farið gersamlega framhjá mér, slík var hógværðin og lítilætið!