Viljum við að okkur verði stjórnað með ógnunum og hótunum?

Þetta Moskumál í NY er komið í algera vitleysu. Fyrir það fyrsta hefur bænahús Múslima verið á Ground zero svæðinu síðan 1930 og eitthvað. Þannig að andstaðan við Mosku á svæðinu  er eingöngu byggð á misskilningi og fordómum gegn Íslam, sem mönnum hættir til að gera í heild sinni ábyrg fyrir gjörðum fárra öfgamanna og brjálæðinga, sem þeirri trú fylgja.

Eins var með kristna fordóma- og öfgaprestinn sem ætlaði að brenna Kóraninn, eins og það væri einhver lausn á ríkjandi vandamálum eða sáluhjálp fyrir Kristna.

Það gekk maður undir mannshönd að koma í veg fyrir brennuna, ekki af því að mönnum fyndist það beinlínis rangt og ósiðlegt heldur af þeirri ástæðu að menn fengu hland fyrir hjartað af ótta yfir því hvaða  afleiðingar brennan hefði á Íslömsk öfgaöfl. Ekki má fyrir nokkurn mun styggja þá.

Núna er klerkurinn sem vill byggja Moskuna við Ground zero komin á þessa sömu línu og varar við afleiðingum þess að styggja þá sem ekki má styggja, með því að hindra byggingu Moskunnar.  Inn á hvaða braut eru menn komnir og hvaða skilaboð eru menn með þessu  að senda öfgafullum brjálæðingum? Er ekki verið að segja pakkinu að með hótunum einum geti þeir stjórnað og ráðskast með almenning á vesturlöndum á þann hátt sem þeim best líkar?

Á Íslandi er uppi veruleg og undarleg andstaða við byggingu Mosku í Reykjavík, byggð á fordómum og vanþekkingu,  m.a. virðast margir halda að öll hryðjuverk séu skipulögð í Moskum. Glæpamenn þurfa ekki bænahús til að hittast og skipuleggja glæpi, hvort heldur þeir fylgja Kristi eða Íslam. Auk þess hafa Múslímar á Íslandi sitt bænahús þannig að engin Mosku bygging hindrar ekki að þeir hittist.

Þá vaknar sú spurning, hvort afstaða Íslendinga til fyrirhugaðar Mosku breytist, verði því komið á framfæri að  bin Laden karlinn verði verulega ósáttur við þjóðina, verði Moskan ekki reist?

  

Varasamt að færa moskuna annað

Athugasemdir

[Skúli Skúlason (IP-tala skráð) 12.9.2010 kl. 21:16]

Gífurlegur   mannfjöldi   safnaðist  saman  í  gær  á  Manhattan  til  að   mótmæla  moskunni   og   smekkleysunni  og   skorti   á   nærgætni  gagnvart   þeim   fjölskyldum   sem  misstu  ástvini  í  árás  Araba  á  Tvíburaturnanna  við  að   byggja   13  hæða  mosku  við  rústirnar.  Moskan   er  þarna   sem   sigurtákn   og   ekkert   nema  ögrun  og  það  sama   og   að   strá   salti  í   sárið.

Sjá   um  moskur    hér :

[Ingibjörg Axelma Axelsdóttir, 12.9.2010 kl. 21:59]

Bölvað bull er þetta Skúli.

[Skúli Skúlason (IP-tala skráð) 12.9.2010 kl. 22:10]

Ingibjörg,

Með   allri   virðingu   fyrir   þér.   Geturðu  ekki  verið  svolítið  nákvæmari?

[Axel Jóhann Hallgrímsson, 12.9.2010 kl. 23:33]

Bull verður aldrei annað bull, að mínu mati, hversu nákvæmlega sem það verður skilgreint.

[Ingibjörg Axelma Axelsdóttir, 13.9.2010 kl. 13:12]

Nákvæmnlega pabbi.

[Skúli Skúlason (IP-tala skráð) 13.9.2010 kl. 13:51]

Drottinn   blessi   heimilið.

[Axel Jóhann Hallgrímsson, 13.9.2010 kl. 14:58]

Það smellpassar fyrir þá sem því trúa!