Er þetta hægt Matthías?

Fimm klukkustundum fyrir opnun fór biðröð að myndast fyrir framan dyr Fjölskylduhjálparinnar og í henni stóðu fjögurhundruð og þrjátíu manns í gær.  Stöðugur stígandi er í fjölda þeirra sem aðstoð og matargjafir  þurfa til þess hreinlega að lifa af.

Þetta er Íslandi í dag.

Því miður verður þetta fólk að bíða þess enn um hríð að ríkisstjórnin finni og útfæri úrlausnir fyrir það  því Samfylkingin, forystuflokkurinn í ríkisstjórninni, hefur öðrum hnöppum að hneppa þessa dagana. Núna ríður mest á að hindra að kusk falli á hvítflibba Ingibjargar Sólrúnar Gísladóttur, sem ekki hefur annað til saka unnið en hafa sofið í örmum Geirs Haarde,  meðan landið fór á hliðina.

Það verður mörgum eflaust huggum harmi gegn, þar sem þeir standa klukkutímunum saman kaldir á kroppinn og kalnir á sál í biðröðum fyrir framan Fjölskylduhjálpina og aðrar hjálparstofnanir,  að vita að röðin kemur að þeim einhvern daginn.

Því má treysta á meðan norræna velferðarstjórnin, hin tæra vinstristjórn, stendur vaktina. Nema þá að þeirri vakt sé lokið. 

Erfiður vetur framundan

Athugasemdir

[Heimir Lárusson Fjeldsted, 16.9.2010 kl. 11:52]

Það kveður við nýjan og gagnrýnin tón Axel, hvað veldur?

[Axel Jóhann Hallgrímsson, 16.9.2010 kl. 12:09]

Ég hef alltaf verið andvígur ranglæti og vitleysu hver sem upprunin er. Ég hef ekki hikað við að gagnrýna mína menn jafnt sem aðra, sé tilefni til. Það er ekkert nýtt.

[Heimir Lárusson Fjeldsted, 16.9.2010 kl. 12:17]

Gott:)