Sigurður höttur

Sigurður Kári Kristjánsson óttast að málareksturinn gegn Geir H. Haarde, fyrir Landsdómi, verði til þess að dómskerfið missi slagkraftinn og afköst þess og geta til að dæma smákrimma í grjótið eða fésektir fyrir snærisþjófnaði og aðrar yfirsjónir, skerðist til muna.

Það blika víst tár á mörgum Sjálfstæðishvarminum yfir umhyggju og hjartahlýju þingmannsins og þeirri vissu að enn skuli uppi slíkar alþýðuhetjur sem Sigurður Kári, sem gefið hefur sig út fyrir að vera málssvari alþýðunnar, eins Hrói höttur forðum, sem ekkert ranglæti þoldi aða aumt mátti sjá.

Nema hvað Sigurður, ólíkt Hróa, bregður upp boga sínum til varnar fógetanum í Nottingham, gegn alþýðu landsins.

 

Skipa þarf nýja hæstaréttardómara

Athugasemdir

[Ásdís Sigurðardóttir, 7.10.2010 kl. 15:17]

Þarna erum við greinilega ósammála, ég legg til að málið gegn Geir verði fellt niður, skömm að því að eyða peningum í að fjölga störfum dómara í stað þess að fjölga störfum verkamanna t.d. málið gegn Geir verður hvort eð er aldrei sakfelling, mitt mat

[Aðalsteinn Agnarsson, 7.10.2010 kl. 15:36]

Ég vil að Sigurður Kári og aðrir fílefldir karlmenn, sem eru í kvenmannsstörfum, verði sendir á sjó, þar geta þeir unnið

Þjóðinni gagn.

[Axel Jóhann Hallgrímsson, 7.10.2010 kl. 15:51]

Ásdís, ég var á þeirri skoðun að allir fjórir ráðherrarnir hefðu átt að fara fyrir dóminn, jafnvel fleiri. Það hefur verið ákall eftir siðbót í stjórnmálum, hvaða skilaboð viljum við senda stjórnmálmönnum framtíðarinnar?

Hvort viljum við segja við þá....já elskurnar gerið hvað eina sem ykkur hentar og hvernig sem ykkur hentar, þið verðið aldrei látin sæta ábyrgð ...eða... hafið í huga að það er horft yfir öxlina á ykkur!

[Axel Jóhann Hallgrímsson, 7.10.2010 kl. 15:53]

Aðalsteinn sérðu Sigurð Kára fyrir þér standa í stafni og stara í storminn og strjúka saltið úr skegginu? "Glætan mar."

[Ásdís Sigurðardóttir, 7.10.2010 kl. 16:31]

Ég vil engan landsdóm fyrst þau fara ekki öll fjögur undir hamarinn.

[Axel Jóhann Hallgrímsson, 7.10.2010 kl. 17:41]

Ásdís, ef 4 menn brjótast inn á heimili þitt og svívirða það og lögreglan nær einum en hinir sleppa, vilt þú þá að honum verði sleppt af því hinir komust undan?

[Aðalsteinn Agnarsson, 7.10.2010 kl. 18:49]

Flottur, Axel.

[Ásdís Sigurðardóttir, 8.10.2010 kl. 11:40]

Axel, mér finnst ekki hægt að bera svona saman, þetta var pólitískt af hálfu ríkisstjórnar flokkanna, hafði bara ekkert með sannleikann að gera, né sökina, loddaragangur á þingi.

[Axel Jóhann Hallgrímsson, 8.10.2010 kl. 12:00]

Var þá hrunaskýrsla rannsóknarnefndar Alþingis pólitískur loddaraskapur?

Var þá afstaða Sjálstæðisflokksins 16-0 ekki pólitískur loddaraskapur?

[Ásdís Sigurðardóttir, 8.10.2010 kl. 12:32]

Jú, víða hefur verið loddaraskapur og við getum örugglega endalaust bent á annað og verra, en þetta er mín skoðun með Geir.  Einu sinni börðu fjórir drengir son minn illa í einelti í skóla, einn þeirra kom heim og baðst afsökunar og snerti aldrei á honum eftir það, við fyrirgáfum honum, svona er ég bara.

[Axel Jóhann Hallgrímsson, 8.10.2010 kl. 15:39]

Auðvitað ekki annað hægt en fyrirgefa, ef menn viðurkenna sín mistök, iðrast og biðjast afsökunar.

Sú hugmynd skaut upp kollinum að fara leið Mandela og Tutu og stofna sátta og sannleiksnefnd. Sú hugmynd var í sjálfu sér góð og hefði alveg getað gengið ef hún hefði ekki haft einn hræðilegan galla. Hann er sá að til þess að Íslenskir stjórnmálamenn gætu komið fyrir slíka nefnd og fengið fyrirgefningu og sættir, þyrftu þeir að byrja á því að viðurkenna sín mistök, iðrast og biðjast afsökunar.

Enginn, sem rannsóknarnefndin yfirheyrði, kannaðist engin við að bera ábyrgð á einu eða neinu. Geir hefur ekki beðist afsökunar, kannast ekki við að þurfa þess. Þegar það gerist getur Geir og aðrir gert sér vonir um fyrirgefningu, fyrr ekki.

[Ásdís Sigurðardóttir, 8.10.2010 kl. 15:52]

 góða helgi :)